Hingoli News: हिंगोली जिल्ह्यात हळदीच्या दरात तेजी असून, अनेक महिन्यांनंतर सुधारणा होऊन कमाल दर प्रति क्विंटल १६ हजार रुपयांवर पोहोचले आहेत. शुक्रवारी (ता.२६) हिंगोली येथील कृषी उत्पन्न बाजार समितीच्या संत नामदेव हळद मार्केटमध्ये हळदीची १२५० क्विंटल आवक झाली असून, प्रति क्विंटलला किमान १४ हजार ते कमाल १६५०० रुपये, तर सरासरी १५,२५० रुपये दर मिळाले. तर, वसमत कृषी उत्पन्न बाजार समितीमध्ये हळदीची १५०० क्विंटल आवक असताना प्रति क्विंटल किमान ९५०० ते कमाल १७३१० रुपये, तर सरासरी १५,४९७ रुपये दर मिळाल्याची माहिती बाजार सूत्रांनी दिली. .यंदा हिंगोलीमध्ये एप्रिल ते सप्टेंबर या कालावधीत हळदीचे सरासरी दर प्रति क्विंटल १०,८०५ ते १२,९७२ रुपये दर होते. ऑक्टोबरच्या अखेरनंतर दरात किंचित चढ-उतार सुरू झाली. अनेक महिन्यांच्या कालावधीनंतर यंदा डिसेंबरमध्ये हळदीचे दर प्रति क्विंटल १५ हजार रुपयांवर पोहोचले..Turmeric Fraud: हळद वायदे बाजारात २५ हजार कोटींचा गैरव्यवहार.कृषी विभागाकडील नोंदीनुसार यंदा (२०२५) हिंगोली जिल्ह्यात ३५ हजार ३८४ हजार हेक्टरवर हळद लागवड झाली आहे. गत वर्षीच्या तुलनेत वाढ झाली. परंतु अतिवृष्टीमुळे कंदसड झाल्याने मालाच्या दर्जावर परिणाम झाला आहे. पुढील वर्षीची नवीन हळद घेण्यापेक्षा गत वर्षीची चांगल्या प्रतीची हळद खरेदी करून साठवून ठेवण्याकडे व्यापाऱ्यांचा कल आहे. त्यामुळे दरात सुधारणा होऊन १७ हजार रुपयांपर्यंत दर पोहोचले आहेत..Turmeric Farming: सद्यःस्थितीत हळदीमध्ये करावयाचे व्यवस्थापन.वसमत बाजार समितीत १५०० क्विंटल आवकवसमत कृषी उत्पन्न बाजार समितीच्या हळद मार्केटमध्ये शुक्रवारी (ता.२६) हळदीची १५०० क्विंटल आवक होती. हळद (कांडी) प्रति क्विंटल किमान ९५०० ते कमाल १७,३१० रुपये, तर सरासरी १५,४९७ रुपये दर मिळाले. हळद (चुरी) प्रति क्विंटल किमान १३ हजार ते कमाल १४,५०० रुपये, तर सरासरी १३,६९९ रुपये तर हळद (बंडा) प्रति क्विंटल किमान १३,५०० ते कमाल १५,५०० रुपये तर सरासरी १४,५१४ रुपये दर मिळाले..बुधवारी (ता.२४) हळदीची ४००० क्विंटल आवक असताना प्रति क्विंटलला किमान १३,००५ ते कमाल १७,३२० रुपये, तर सरासरी १४,२२८ रुपये दर मिळाले. मंगळवारी (ता.२३) उच्च प्रतीच्या ४० क्विंटलच्या लॉटला २० हजार रुपये दर मिळाले. यंदा हळदीला उच्चांकी दर मिळाले असल्याची माहिती बाजार समितीचे सचिव एस. एन. शिंदे यांनी सांगितले..हिंगोली संत नामदेव हळद मार्केट हळद आवक स्थिती (क्विंटलमध्ये)तारिख आवक किमान दर कमाल दर सरासरी दर२२ डिसेंबर १००० १३,५०० १५,९०० १४,७००२३ डिसेंबर १२०० १३,३०० १५,८०० १४,५५०२४ डिसेंबर ११४५ १३,५०० १५,९०० १४,७००२५ डिसेंबर ११०० १४,१०० १६,६०० १५,३५०.हळदीची आवक स्थिर आहे. दररोज हजार ते दीड हजार क्विंटल आवक होत आहे. यंदा जिल्ह्यातील हळद लागवड वाढली असली तरी अतिवृष्टीमुळे दर्जावर परिणाम झाला आहे. उत्पादनात घट येण्याची शक्यता आहे. त्यामुळे भविष्यात हळदीच्या दरात तेजीचे संकेत आहेत.नारायण पाटील, सचिव, कृषी उत्पन्न बाजार समिती, हिंगोली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
