Akola News: यंदाचा सीताफळाचा हंगाम शेतकऱ्यांसाठी गोड ठरत असून, बाजारात फळांना चांगला दर मिळत आहे. फळांची आवक मुबलक असून गुणवत्ताही उत्तम आहे. बाजारात प्रति किलो सरासरी ३५ ते ४० रुपयांचा दर मिळत असल्याचे सीताफळ उत्पादक सांगत आहेत. .जानेफळ (जि. बुलडाणा) येथील सीताफळ उत्पादक रमेश निकस यांनी सांगितले, की या वर्षी सीताफळाचे पीक जोमदार आले आहे. बाजारात सध्या सरासरी ३५ ते ४० रुपये प्रति किलो दराने विक्री होत आहे. मागील वर्षी हा दर केवळ २० ते २५ रुपये प्रति किलोपर्यंत मिळाला होता. यावर्षी उत्पादनही अधिक असून फळांचा दर्जा उत्कृष्ट आहे..Custard Apple Farming: सीताफळाच्या गुणवत्तेसाठी पीक संरक्षणावर भर द्या.या भागातील सीताफळ हंगाम यंदा सुरू झाल्यापासून पाऊस आलेला नाही. अन्यथा, यापूर्वी सीताफळ विक्री सुरू असताना अनेकदा पावसाने धुमाकूळ घालत होता. परिणामी विक्रीवर थेट परिणाम व्हायचा. या वर्षी अद्याप पाऊस झालेल नाही. परिणामी फळांची वाहतूक व बाजारपेठेत पुरवठा दोन्ही सुरळीत पार पडत आहे. फळांची मागणी वाढल्याने बाजारातील किरकोळ विक्री जोरात सुरू आहे..Custard Apple Disease: सीताफळ पिकावरील पिठ्या ढेकूण प्रादुर्भाव.अकोला बाजारातही दर समाधानकारकपश्चिम विदर्भात अकोला बाजारात यंदा सीताफळाला मागणी असून दर चांगला मिळतो आहे. बागांसह डोंगरकपारीतील सीताफळही मोठ्या प्रमाणात बाजारात दाखल झाले आहे. गुणवत्तापूर्ण फळांना व्यापाऱ्यांकडून चांगला प्रतिसाद मिळत असून, दरवाढीमुळे शेतकऱ्यांच्या हातात समाधानकारक रक्कम पडत आहे. ३५ ते ४० रुपयांचा सरासरी दर मिळतो आहे. तर किरकोळ विक्रेते ६० ते १०० रुपयांदरम्यान प्रति किलोने सीताफळ विकत आहेत..समृद्धी महामार्गामुळे वाहतुकीची सोयनागपूर ते मुंबई या समृद्धी महामार्गाचा शेतीमाल वाहतुकीला फायदा होत असल्याचे दिसून आले आहे. जानेफळ परिसरातील शेतकऱ्यांना समृद्धी महामार्गामुळे मोठा फायदा झाला आहे. या भागातून सायंकाळी साडेसातच्या सुमारास मालवाहतूक वाहन निघते आणि पहाटे साडेतीन ते चार वाजेपर्यंत वाशी (मुंबई) बाजारात पोहोचते. .त्यामुळे बाजारात पहिल्या टप्प्यात माल पोहोचल्याने विक्री सुरुळीत होऊन अधिक दर मिळण्यास फायदा होत आहे. दुसरीकडे सीताफळाच्या वाढत्या मागणीमुळे परप्रांतीय व्यापारीही या भागात दाखल झाले आहेत. शेतातूनच ३५ ते ४० रुपये प्रति किलो दराने थेट खरेदी आजवर होत आलेली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
