Sangli News: बाजारात सद्यःस्थितीत डाळिंबाची आवक मंदावली असून दरात वाढ झाली आहे. गुणवत्तापूर्ण व दर्जेदार डाळिंबाला प्रति किलोस १५० ते २०० रुपयांपर्यंत दर मिळत आहे. गेल्या महिन्याभरात प्रति किलोमागे ३० ते ४० रुपयांनी दर वाढले आहेत. त्यामुळे शेतकऱ्यांना दिलासा मिळाला आहे..डाळिंबाच्या ऐन बहरात सप्टेंबर आणि ऑक्टोबर या दोन महिन्यांत अतिवृष्टी झाली. या पावसाचा मोठा फटका पिकाला बसला आहे. परिणामी, फुलगळ, तेलकट डाग, कुजवा अशा विविध समस्यांना सामोरे जावे लागले. अशा परिस्थितीतही शेतकऱ्यांनी बागा साधल्या. या नैसर्गिक संकटांमुळे डाळिंबाचे उत्पादन कमी झाले आहे..Pomegranate Export: डाळिंब निर्यातीला प्रोत्साहन देणार : पणनमंत्री रावल .गेल्या महिन्यापासून मृग बहरातील डाळिंबाची विक्री सुरू झाली आहे. हंगामाच्या सुरुवातीला डाळिंबाची आवक जेमतेमच होती. त्यामुळे दर्जेदार डाळिंबाला प्रति किलो १३० ते १५० रुपये असा दर मिळाला होता. गतवर्षीच्या तुलनेत यंदाच्या हंगामात डाळिंबाचे दरात थोडी सुधारणा झाली होती..गेल्या काही दिवसांपासून डाळिंब विक्रीची गती वाढली आहे. बाजारात मागणी आणि उढावही चांगला आहे. मात्र उत्पादन घटल्याने बाजारात डाळिंबाची आवक मंदावली आहे. त्यामुळे बाजारात दरात हळूहळू वाढ होत असल्याचे चित्र आहे..Pomegranate Export: वाशीतून डाळिंबांचा पहिला कंटेनर अमेरिकेला रवाना.गुजरातमधील डाळिंबाची विक्री पन्नास टक्क्यांपर्यंत झाली आहे. तर कर्नाटक आणि राजस्थान या राज्यांतील पिकाचेही काही प्रमाणात नुकसान झाले आहे. त्यामुळे या तिन्ही राज्यांतून मोठ्या प्रमाणात डाळिंब महाराष्ट्राच्या बाजारपेठेत येण्याची शक्यता कमी असल्याचा अंदाज डाळिंब संघाने व्यक्त केला आहे. जरी काही प्रमाणात बाहेरून आवक झाली, तरी त्याचा दरांवर फारसा परिणाम होणार नसल्याचेही स्पष्ट आहे..हस्त बहर फेलडाळिंबाचा हस्त बहर सप्टेंबर ते नोव्हेंबरच्या दरम्यान धरला जातो. मात्र यंदा ऑक्टोबर अखेर पाऊस होता. यामुळे शेतकऱ्यांना हस्त बहर धरण्यास अडथळे निर्माण झाले होते. ज्या शेतकऱ्यांनी आगाप हस्त बहर धरला होता, त्या बागांचे सेटिंग होण्यास अडचणी आल्या. परिणामी, शेतकऱ्यांनी हस्त बहर धरण्यापेक्षा आंबिया बहर धरण्याकडे कल वाढला आहे. त्यामुळे हस्त बहरातील उत्पादनही कमी होईल, असा अंदाज डाळिंब उत्पादक शेतकऱ्यांनी व्यक्त केला आहे. त्यामुळे येत्या तीन महिन्यांत डाळिबांची आवक कमीच राहणार असल्याचेही शेतकऱ्यांनी सांगितले..बाजारात डाळिंबाची आवक मंदावली असल्याने दर चांगले आहेत. येत्या काळात दर टिकून राहतील. आंबिया बहर धरण्यासाठी शेतकऱ्यांचा कल वाढला आहे.विजय मरगळे, तडवळे, ता. आटपाडी, जि. सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
