Jalgaon News: खानदेशात कापूस दरात काहीशी सुधारणा मागील तीन-चार दिवसांत झाली आहे. दर्जेदार, शुभ्र, कमी ओलावा असलेल्या कापसाचे दर ७२०० रुपये प्रति क्विंटल असे आहेत. परंतु खेडा किंवा थेट खरेदीला प्रतिसाद कमीच आहे. कमी उत्पादन व महागाई यामुळे शेतकरी दराच्या प्रतीक्षेत आहेत. .शासकीय कापूस खरेदीची तयारीदेखील झाली आहे. या केंद्रांत कापूस विक्रीसंबंधी शेतकऱ्यांची नोंदणी सुरू आहे. पण या नोंदणीसही कमी प्रतिसाद आहे. कापसाचे उत्पादन अल्प आहे. कोरडवाहू कापूस पीक अजून हाती आलेले नाही. पूर्वहंगामी कापूस काही शेतकऱ्यांना साडेतीन क्विंटल तर काहींना तीन क्विंटल एवढाच हाती आला आहे..Cotton Price: खानदेशात कापसाला फटका.परिणामी कापसाचा साठाच शेतकऱ्यांकडे कमी आहे. यात खर्च मात्र वाढला आहे. खते, मशागत, मजुरी यावरील खर्च वाढला आहे. यामुळे कापसाला चांगला दर मिळावा, अशी अपेक्षा शेतकऱ्यांची आहे. सध्या खानदेशात कापसाचे विविध दर आहेत. दर्जानुसार हे दर असून, दर्जेदार, उत्तम कापसाला खेडा खरेदीत ७२०० रुपये प्रति क्विंटलचा दर आहे..कमी दर्जाच्या कापसाचे दर ५०००, ५५००, ६५०० रुपये, असे आहेत. खानदेशात कापसाची बाजार समित्यांत आवक होत नाही. खेडा खरेदी किंवा थेट गावांत जाऊन खरेदी केली जाते. परंतु या खरेदीस यंदा प्रतिसाद कमी आहे. कापसाची आवक कमी असल्याने प्रक्रिया कारखान्यांचे काम संथ गतीने सुरू आहे. काही भागांत कारखाने बंद आहेत..Cotton Price: खानदेशात कापसाला फटका.रोज पाच ते सहा हजार क्विंटल कापसाची आवकसध्या खानदेशात रोज पाच ते सहा हजार क्विंटल कापसाची आवक होत आहे. मागील पंधरवड्यात ही आवक कमी होती. त्यात मागील दोन दिवसांत काहीशी वाढ झाली आहे. परंतु दरांत सुधारणा झाल्याने शेतकऱ्यांनी कापसाची विक्री करणे टाळले आहे. काही शेतकरी आपल्याकडील अल्प कापसाची विक्री करीत आहेत..काहींनी निम्मा कापूस विक्री करून उर्वरित कापसाचा साठा आपल्याकडे ठेवला आहे. खानदेशात नंदुरबारमधील नंदुरबार, धुळ्यातील शिंदखेडा, जळगावातील चोपडा, जळगाव, जामनेर, पारोळा भागांत कापसाची आवक बऱ्यापैकी आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
