Sindhudurg News: सिंधुदुर्ग जिल्ह्यातील देवगड तालुक्यातील पडवणे येथील आंबा बागायतदार प्रकाश धोंडू शिर्सेकर यांनी देवगड हापूसची सहा डझनांची पहिली पेटी वाशी मार्केटमध्ये पाठविली आहे. एरवी डिसेंबर, जानेवारीत येणारा आंबा दोन महिने आधीच बाजारात आला आहे. .आंबा व्यापारी हर्षल जेजुरीकर यांच्याकडे हा आंबा विक्रीला आला असून हा आंबा कच्चा असल्याने पूजन करून तो पिकविण्यासाठी ठेवला आहे. येत्या चार ते पाच दिवसांत तो विक्रीसाठी ठेवला जाईल, असे सांगण्यात आले. शिर्सेकर यांनी आंबा काढणीला दिवाळीचा मुहूर्त साधला असून जुलैमध्ये आलेला मोहराचे नियोजनबद्ध व्यवस्थापन केल्यामुळे त्यांना उत्पादन मिळाले आहे..Mango Orchard: ठाणे जिल्ह्याच्या मातीमध्ये पुन्हा फुलणार आमराई.हापूसच्या पहिल्या पेटीचा मान कोणत्या बागायतदाराला मिळतो याकडे सर्व आंबा बागायतदार, व्यावसायिकांचे लक्ष लागलेले असते. साधारणपणे नोव्हेंबरमध्ये पहिली पेटी बाजारपेठेत येते. श्री. शिर्सेकर यांची गावातच आंबा कलमांची बाग आहे. या वर्षी जुलैमध्ये त्यांच्या बागेतील तीन चार कलमांना मोहोर आला होता..Mango Farming : मोहर निर्मितीस चालना देण्यासाठी ताण अत्यावश्यक.त्यातील दोन कलमांवरील मोहराचे त्यांनी संरक्षण करण्याचा निर्णय घेतला. त्याकरिता त्यांनी प्लॅस्टिक आच्छादनाचा पर्याय निवडला. या वर्षी प्रचंड पाऊस होता. त्यामुळे अतिशय काटेकोर व्यवस्थापनावर भर दिला..यंदा पावसाचे प्रमाण जास्त असूनही शिर्सेकर कुटुंबाने आंबा मोहराचे संवर्धन योग्यरीत्या केले. त्यांच्या दोन्ही मुलांनी दिवसरात्र एक करून आंब्याचा मोहर टिकवला. हे काम खर्चिक असूनही मेहनतीने ९० दिवसांत फळ तयार केले. एरवी देवगड हापूस डिसेंबर अखेर किंवा जानेवारीच्या पहिल्या आठवड्यात येतो. आता आलेला आंबा कच्चा आहे. तो पिकविण्यास ठेवला असून पुढील चार पाच दिवसात पिकेल.हर्षल जेजुरकर, आंबा व्यापारी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
