Pune News: शेतकऱ्यांना अप्रमाणित बियाणे विकले गेल्यास केवळ कंपनीलाच कायदेशीररीत्या जबाबदार धरले जावे, अशी आग्रही मागणी अखिल भारतीय कृषी निविष्ठा विक्रेता संघटनेने केंद्रीय कृषी मंत्रालयाकडे केली आहे. .केंद्रीय कृषिमंत्री शिवराजसिंह चौहान यांची निविष्ठा विक्रेत्यांच्या एका शिष्टमंडळाने अलीकडेच दिल्लीत भेट घेतली. ‘‘शेतकरी हितासाठी केंद्राने आणलेल्या ‘बियाणे विधेयक -२०२५’चे आम्ही स्वागत करतो. शेतकऱ्यांच्या उन्नतीसाठी हाती घेतलेल्या प्रत्येक उपक्रमाला निविष्ठा विक्रेत्यांचा पाठिंबा असेल..Agrowon Podcast: भेंडीला मागणीचा आधार; सोयाबीनचे भाव टिकून, कापूस बाजारात चढ-उतार, आल्याला उठाव टिकून तर कलिंगडाची आवक कमीच.परंतु, बियाणे विधेयकामुळे भविष्यात व्यावहारिक अडचणी उद्भवतील. त्यावर शासनाने आताच उपाय करावेत. विधेयकाने उत्पादक व विक्रेते यांची जबाबदारी निश्चित करावी. विक्रेते केवळ बियाणे कंपनीचा सीलबंद माल विकतात. गुणवत्तेला विक्रेते जबाबदार नसतात. त्यामुळे बियाणे अप्रमाणित निघाल्यास विक्रेत्याऐवजी केवळ उत्पादक कंपनीला दोषी धरले जावे,’’ अशी भूमिका शिष्टमंडळाने मांडली..राज्यात कुठेही बियाणे विक्रेत्याने विक्रीचे ठिकाण बदलल्यानंतर नव्याने परवाना काढावा लागतो. ही अट किचकट असून विक्री स्थळ बदलताच आधीच्या परवान्याच्या आधारे विक्री करण्यास मान्यता देणारी सुधारित तरतूद कायद्यात केली जावी. तसेच, मुख्य परवान्यातच गोदामाचा पत्ता नोंदवून ते चालवण्याची परवानगी असावी, अशी मागणी शिष्टमंडळाने केली..Silk Cocoons: नऊ दिवसांत साडेचारशे क्विंटलवर रेशीम कोषांची आवक.बॅंकेच्या खातेधारकाला वारस (नॉमिनी) नेमता येतो. तशी तरतूद बियाणे विक्रेत्यासाठी आणावी. बियाणे विक्रेत्याचा मृत्यू झाल्यास त्याच्या वारसाला बियाणे विक्रीचा परवाना वर्ग केला जावा, असादेखील आग्रह शिष्टमंडळाने धरला. शिष्टमंडळात संघटनेचे अध्यक्ष मनमोहन कलंत्री, राष्ट्रीय कोषाध्यक्ष आबासाहेब भोकरे, मध्य प्रदेशचे अध्यक्ष मानसिंह राजपूत व संचालक देवेन वर्मा, महाराष्ट्र महासचिव विपिन कासलीवाल यांचा समावेश होता..‘अवैध विक्रेत्यावर कठोर कारवाई करा’परवाना न घेता बियाण्यांची अनधिकृतपणे विक्री म्हणजे शेतकऱ्यांच्या भवितव्याशी खेळण्याचा प्रकार असतो. त्यामुळे अशी विक्री उघड झाल्यास संबंधितांवर कठोर कारवाई केली जावी. त्यासाठी कायद्यात सुधारणा करावी. अवैध विक्रेत्यांच्या मुसक्या कायद्याने आवळल्यास परवानाधारक बियाणे विक्रेत्यांचे हित जपले जाईल, अशी मागणी केंद्राकडे करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
