Jalgaon News: राज्यात प्रसिद्ध असलेल्या जळगावच्या भरताच्या वांग्याची आवक विविध बाजारांत कमीच आहे. बाजारात वांगी उत्पादक शेतकऱ्यांना प्रति किलो ४० ते ५० रुपये व सरासरी ४५ रुपये दर मिळत आहे. विविध कार्यक्रमांच्या मेजवानीत भरताचा मेनू दिसू लागला आहे..भरताच्या वांग्यांची आवक दीपोत्सवाच्या काळात जळगावात सुरू झाली. सप्टेंबरच्या सुरुवातीला भुसावळ, जळगाव भागांत आवक सुरू होते. तर ऑक्टोबरच्या अखेरीस यावल, रावेर या भागात भरीतांच्या वांग्यांची आवक, काढणी सुरू होते..Brinjal Farming: वा! याला म्हणतात वांग्याची हुशारीने शेती .यंदा भरीत वांगी पिकाला अनुकूल वातावरण नाही. कारण नोव्हेंबरमधील पावसाने पिकाची हानी झाली. यामुळे उत्पादनही कमी व वेळेत आलेले नाही. वांगी आवक कमीच आहे. सध्या जळगाव, भुसावळ येथील बाजारांत भरीत वांग्यांची सर्वाधिक आवक होत आहे. जळगावात रोज १५ ते १६ क्विंटल भरीताच्या वांग्यांची आवक होत आहे. किरकोळ बाजारातील दर ६०, ७० ते १०० रुपये प्रति किलो असे आहेत..यावल भागात फटकायावलमधील बामणोद, भालोद, न्हावी, पाडळसे, सांगवी बुद्रुक, रावेरातील मस्कावद, रोझोदा, खिरोदा, चिनावल भागातील दर्जेदार वांग्यांची आवक कमी आहे. या भागातील वांगी पिकाची पावसात हानी झाली..Brinjal Shortage: भरीत वांग्यांच्या आवकेत घट; पिकास पावसाचा फटका .तसेच भुसावळातील तळवेल, वरणगाव, शिंदी, पिंप्रीसेकम या भागातही भरीत वांग्यांचे उत्पादन कमी आहे. जळगावमधील आसोदा, तरसोद, नशिराबाद, बेळी, जळगाव खुर्द, तुरखेडा, विदगाव या भागातही भरीत वांग्यांची लागवड यंदा कमी आहे. यामुळे बाजारातील आवक कमी आहे..वांग्याला मागणी अधिक, आवक कमीथंडीच्या काळात दर्जेदार वांग्यांना मोठा उठाव असतो. परंतु यंदा मागणी अधिक व आवक कमी अशी स्थिती आहे. दर टिकून आहेत. पण उत्पादन कमी असल्याने त्याचा लाभ वांगी उत्पादकांना होताना दिसत नाही. यावल, रावेर, जळगाव भागांतील आठवडी बाजारांत भरीताच्या वांग्यांना चांगली मागणी आहे. भुसावळ, जळगाव भागात गोलाकार, मोठ्या आकारातील भरताची वांगी येत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
