Jalgaon News: राज्यात प्रसिद्ध असलेल्या जळगावच्या भरीताच्या वांग्याची आवक विविध बाजारांत वाढत आहे. बाजारात शेतकऱ्यांना प्रतिकिलो २५ ते ३० रुपये व सरासरी २४ रुपये, असा दर मिळत आहे. विविध कार्यक्रमांच्या मेजवानीत भरीताचा मेनू दिसू लागला आहे. पुढे दिवाळीनंतर भरीत वांगी मागणी व आवकही वाढेल, अशी स्थिती आहे..भरीताच्या वांग्यांची आवक दीपोत्सवाच्या काळात जळगावात अधिक असते. सप्टेंबरच्या सुरुवातीला भुसावळ, जळगाव भागात आवक सुरू झाली. ऑक्टोबरच्या अखेरीस यावल, रावेर या भागात भरीतांच्या वांग्यांची आवक, काढणी गती घेणार आहे..Brinjal Farming: दर्जेदार उत्पादनासाठी नियोजनबद्ध व्यवस्थापन.यंदा भरीत वांगी पिकाला अनुकूल वातावरण होते. यामुळे उत्पादनही वेळेत व जोमात येत आहे. सध्या जळगाव, भुसावळ येथील बाजारांत भरीत वांग्यांची सर्वाधिक आवक होत आहे. जळगावात रोज १८ ते २० क्विंटल भरीताच्या वांग्यांची आवक होत आहे. किरकोळ बाजारातील दर ४० ते ४५ रुपये प्रतिकिलो असे आहेत..Desi Brinjal Variety : गावरान वांग्याचा तयार केला ब्रॅण्ड.बामणोदच्या वांग्यांची प्रतीक्षायावलमधील बामणोद, भालोद, न्हावी, पाडळसे, सांगवी बुद्रूक, रावेरातील मस्कावद, रोझोदा, खिरोदा , चिनावल भागातील दर्जेदार वांग्यांची आवक कमी आहे. पण भुसावळातील पिंपळगाव, तळवेल, वरणगाव, शिंदी, पिंप्रीसेकम या भागातही भरीत वांग्यांचे उत्पादन सुरू झाले आहे. जळगावमधील आसोादा, तरसोद, नशिराबाद, बेळी, जळगाव खुर्द, तुरखेडा, विदगाव या भागातही भरीत वांग्यांचे उत्पादन घेतले जाते..दिवाळीला घरी भरीत-भाकरी-पुरीचा बेत अनेक कुटुंबांत आखला जातो. या काळात दर्जेदार वांग्यांना मोठा उठाव असतो. परंतु यंदा गणेशोत्सव, नवरात्रोत्सव व दसरा सणातही भरीत - पुरीचे मेनू घरोघरी होते. यावल, रावेर, जळगाव भागातील आठवडी बाजारांत भरीताच्या वांग्यांना चांगली मागणी असते. पुढे मागणी आणखी वाढेल, असे दिसत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
