Pune News: सध्या स्ट्रॉबेरीला बाजारात जोरदार मागणी निर्माण झाली आहे. मात्र, मागणीच्या तुलनेत आवक मर्यादित असल्याने स्ट्रॉबेरीचे दर तेजीत आहेत. किरकोळ बाजारात प्रतवारीनुसार एक किलो स्ट्रॉबेरीचे दर २५० ते ७०० रुपयांपर्यंत पोहोचले आहेत..महाबळेश्वर, वाई, पाचगणी परिसरात मोठ्या प्रमाणावर स्ट्रॉबेरीची लागवड केली जाते. तसेच नाशिक जिल्ह्यातील काही भागांतही स्ट्रॉबेरीचे उत्पादन घेतले जाते. साधारणपणे ऑक्टोबर महिन्यापासून स्ट्रॉबेरीचा हंगाम सुरू होतो आणि मार्चअखेरपर्यंत चालतो. एप्रिलमध्ये हंगामाची सांगता होते. नाताळ आणि नववर्षाच्या काळात देशभरातून स्ट्रॉबेरीला मोठी मागणी असते..Strawberry Farming: भीमाशंकर स्ट्रॉबेरी लागवडीकडे वाढता कल.पुण्यातील श्री छत्रपती शिवाजी मार्केट यार्डातील फळबाजारात महाबळेश्वर व वाई भागातील शेतकऱ्यांनी स्ट्रॉबेरीची आवक सुरू केली आहे. घाऊक बाजारात प्रतवारीनुसार एक किलो स्ट्रॉबेरीला २५० ते ७०० रुपये दर मिळत आहेत. गेल्या वर्षीच्या तुलनेत यंदा स्ट्रॉबेरीच्या दरात सुमारे ३० ते ४० टक्क्यांनी वाढ झाल्यामुळे एक किलो स्ट्रॉबेरी २५० ते ७०० रुपयांच्या घरात पोहोचल्याची माहिती मार्केट यार्डातील व्यापाऱ्यांनी दिली..यंदा हवामान बदलाचा मोठा फटका स्ट्रॉबेरी पिकाला बसला आहे. अपेक्षेप्रमाणे थंडी न पडल्याने उत्पादनावर परिणाम झाला असून, बाजारात मागणीच्या तुलनेत आवक कमीच राहिली आहे. त्यामुळे पुढील काही दिवस स्ट्रॉबेरीचे दर तेजीत राहण्याची शक्यता वर्तविण्यात येत आहे..Strawberry Cultivation: शेतकरी घेणार स्ट्रॉबेरी लागवडीची माहिती.सध्या पुणे आणि परिसरातील बाजारात स्ट्रॉबेरीची मागणी कायम असून, पर्यटन हंगामामुळे विक्रीत वाढ दिसून येत आहे. थंडीचा जोर वाढल्यानंतर जानेवारी महिन्यात आवक वाढण्याची शक्यता आहे. त्यानंतर दरात काही प्रमाणात घट होऊ शकते. दर कमी झाल्यानंतर पल्प उत्पादक आणि ज्यूस विक्रेत्यांकडून खरेदी वाढण्याची शक्यता आहे..यंदा पावसाचा कालावधी लांबल्याने आणि हवामानातील बदलामुळे स्ट्रॉबेरीच्या उत्पादनावर परिणाम झाला आहे. मागणीच्या तुलनेत आवक कमी असल्याने सध्या दर तेजीत आहेत. पुढील काही दिवस दर असेच राहण्याची शक्यता असून जानेवारीत आवक वाढेल. तेव्हा दरात काही प्रमाणात घट अपेक्षित आहे.युवराज काची, स्ट्रॉबेरी व्यापारी, श्री छत्रपती शिवाजी मार्केट यार्ड, पुणे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
