Jalgaon News: खानदेशात केळीच्या आवकेत मागील चार ते पाच दिवसांत किंचित वाढ झाली आहे. परंतु कमाल दरही २००० रुपये प्रति क्विंटलपर्यंत स्थिर आहेत. केळी निर्यातीतही मागील सहा ते सात दिवसांत वाढ झाली आहे. .केळीला सणासुदीमुळे मागणी आहे. केळीचे आगार असलेल्या रावेर भागात केळीची आवक स्थिर आहे. या भागात सध्या फक्त ६० ते ६५ ट्रक (एक ट्रक १६ टन क्षमता) केळीची आवक होत आहे. तर जळगाव जिल्ह्यात अन्य भागात मिळून रोज १६० ते १६५ ट्रक केळीची आवक होत आहे. धुळ्यातही रोज १० ते १२ ट्रक केळीची आवक आहे..Banana Plantation : उशिराची मृग बहर केळी लागवड सुरू.तर नंदुरबारातही रोज पाच ते सहा ट्रक केळीची आवक होत आहे. खानदेशात सध्या रोज १८० ट्रक केळीची आवक होत आहे. आवकेत आठ ते १० ट्रकने वाढ झाली आहे. आवकेत मोठी वाढ नाही..परंतु केळीची मागणी उत्तरेसह राज्यातील बाजारात उठाव आहे. दर्जेदार किंवा काश्मीर, आखातात पाठवणुकीच्या केळीला प्रति क्विंटल कमाल २००० रुपये दर शिवार किंवा खेट खरेदीत मिळत आहे. दरातही किंचित वाढ मध्यंतरी झाली होती. पण दर स्थिर आहेत..Banana Sapling Shortage: खानदेशात केळी रोपांची टंचाई.मध्य प्रदेशात केळीची आवक बऱ्यापैकी आहे. तेथेही केळी दरातील वाढ थांबली आहे. पण दर स्थिर आहेत. बऱ्हाणपूर येथील बाजारात केळीला जाहीर लिलावात सोमवारी (ता.११) कमाल १८०० रुपये प्रतिक्विंटलचा दर मिळाला. तर किमान दर तेथेही १००० ते १५०० रुपये प्रति क्विंटल असा आहे..कमी दर्जाची केळी फारशी खानदेशात उपलब्ध नाही. यामुळे सध्या केळीदर टिकून आहेत. आखातातही केळीची पाठवणूक गतीने सुरू आहे. खानदेशात सध्या रोज नऊ कंटेनर केळीची आखातात पाठवणूक सुरू आहे. निर्यातक्षम केळीची मागणी मोठी आहे. परंतु हवी तेवढी केळी निर्यातीसाठी उपलब्ध होत नसल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
