कॅनिंगच्या आंब्याच्या दरात मोठी घसरण झाली आहे. प्रति किलो ६२ रुपयांवरून प्रति किलो १७ रुपयांपर्यंत दर घसरले आहेत. त्यामुळे आंबा बागायतदार हतबल झाले आहेत. मोहर करपल्यामुळे या वर्षी आंबा उत्पादन २० ते ३० टक्क्यांपर्यंतच आहे. या वर्षी सुरुवातीला कॅनिंगच्या आंब्याला चांगला दर मिळाला. .प्रति किलो ६२ रुपयांपर्यंत दर मिळाला होता. त्यामुळे दर वर्षीच्या तुलनेत हा दर अधिक होता. परंतु हळूहळू या दरात घट होऊ लागली. पश्चिम आशियातील युद्धामुळे आंबा उत्पादनांची मागणी घटल्यामुळे कॅनिंग कंपन्यानी आंबा खरेदी कमी करण्यास सुरुवात केली. त्याचा मोठा परिणाम दरावर होऊ लागला आहे..Mango Season: कैरीची फुलली बाजारपेठ .कॅनिंगच्या आंब्याचा दर ६२ वरून ५०, ४२, ३० असा कमी होत आता १७ रुपयांवर येऊन थांबला आहे. त्यामुळे आंबा उत्पादक हतबल झाले आहेत. या वर्षी उत्पादन कमी असल्याने अगोदरच आंबा उत्पादक आर्थिक संकटात सापडले आहेत, त्यातच आता कॅनिंगच्या आंब्याचे दर गडगडल्याने आंबा उत्पादकासमोर मोठे संकट उभे राहिले आहे..Desi Mango: कोल्हापूर बाजारपेठेत देशी आंब्यांचा सुगंध.गेल्या काही वर्षांपासून आंबा उत्पादकांसाठी कॅनिंग हा चांगला पर्याय ठरला होता. अखेरच्या टप्प्यातील आंबा हा बाजारपेठ पाठविताना अनेक अडचणी येतात. त्यातच आंबा हा नाशिवंत असल्याने त्याच्यावर तत्काळ प्रकिया झाल्यासच त्याचा उपयोग होतो..त्यामुळे कॅनिंगमुळे अखेरचा आंब्याला किंमत मिळत असे. आंब्यापासून रस, जाम, आंबावडी, सरबत, लोणचे, चॉकलेट, आईस्क्रीम यांसारखी अनेक उत्पादने तयार केली जातात. या उत्पादनांना परदेशात मागणी आहे. ही मागणी कमी झाल्याचे सांगत आता प्रकिया उद्योजकांनी आंबा खरेदी केली आहे. त्यामुळे दर गडगडले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
