Sangli News: निसर्गाचा लहरीपणा आणि अनिश्चित हवामानाचा द्राक्ष पिकाला फटका बसला आहे. परिणामी बेदाणा शेडवर शांतता असल्याचे चित्र आहे. शेड दुरुस्तीची कामे कधी हाती घ्यायची या बाबत संभ्रम निर्माण झाला आहे. बेदाणा हंगामाच्या पूर्वतयारीबाबत शेडमालकांमध्ये संदिग्धता निर्माण झाली आहे. त्यामुळे यंदाच्या हंगामातील नवा बेदाणा फेब्रुवारीच्या अखेरीस बाजारात येण्याची शक्यता असल्याचा अंदाज बेदाणा उद्योगातील जाणकारांनी व्यक्त केला आहे..गतवर्षी जानेवारीच्या अखेरीस बेदाणा शेड दुरुस्तीची कामे शेडमालकांनी हाती घेतली होती. फेब्रुवारीपासून बेदाणा निर्मिती सुरू झाली होती. गत वर्षीही अतिवृष्टीचा फटका पिकाला बसल्याने ऐन हंगामाच्या सुरुवातीपासून द्राक्षाची टंचाई भासली होती. यंदाही द्राक्ष पिकावर अतिवृष्टीचे संकट ओढावले होते..Raisin Smuggling: बेदाणा तस्करीप्रश्नी शीतगृहांची तपासणी करून कारवाई करा.त्याचा थेट परिणाम उत्पादनावर झाला असून बेदाणा निर्मितीलाही फटका बसला आहे. सलग दुसऱ्या वर्षी नैसर्गिक आपत्तीचा फटका बसल्याचे चित्र आहे. वास्तविक पाहता नैसर्गिक आपत्तीमुळे दरवर्षी बेदाणा निर्मितीचा हंगाम वेळेत सुरू होण्याऐवजी लांबणीवर पडत असल्याचे चित्र आहे..सांगली जिल्ह्यातील नागज, मिरज तालुक्यांचा पूर्व भाग आणि जत तालुक्यातील उमदी या भागांसह सोलापूर जिल्ह्यातील जुनोणी या परिसरात मोठ्या प्रमाणात बेदाणा शेड आहेत. याठिकाणी पोषक वातावरण असल्याने दर्जेदार बेदाणा तयार होतो..Raisin Market: चीनच्या बेदाण्याची घुसखोरी.गतवर्षी बेदाणा निर्मितीचा हंगाम जानेवारीच्या शेवटच्या आठवड्यापासून सुरू झाला होता. तर दोन वर्षांपूर्वी जानेवारीच्या मध्यापासून सुरुवात झाली होती. अर्थात त्याची पूर्वतयारी डिसेंबरच्या शेवटच्या आठवड्यात किंवा जानेवारीच्या पहिल्या आठवड्यात पूर्ण केली होती. यंदा द्राक्षाच्या उत्पादनात सरासरी ५० ते ६० टक्के घट आहे. त्यामुळे बेदाणा निर्मितीला हंगामाच्या पहिल्या दिवसापासून द्राक्षाची टंचाई भासणार आहे..त्यामुळे निर्मितीच्या पट्ट्यात अजूनही शांतता असून, अद्यापही शेड मालकांनी दुरुस्तीची कामे हाती घेतलेली नाहीत. द्राक्षाचे उत्पादन कमी असल्याने यंदाच्या हंगामात किती शेडवर बेदाणा होणार या बाबत अनिश्चितता असल्याचे शेड मालकांनी सांगितले आहे..जानेवारीच्या अखेरपासून क्वचित शेडची दुरुस्ती आणि स्वच्छतेची कामे हाती घेण्याचा अंदाजही व्यक्त केला जात आहे. यंदाचा नवा बेदाणा फेब्रुवारीच्या अखेरीस बाजारात विक्रीला येईल..मार्च महिन्याच्या दुसऱ्या आणि तिसऱ्या आठवड्यापासून बेदाणा निर्मितीस गती येईल. परंतु बेदाणा निर्मितीकडे शेतकऱ्यांचा कल कसा राहील हे आताच सांगणे अवघड आहे.सुनील माळी, शेडमालक, केरेवाडी, जि. सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
