Pune News: मध्य प्रदेशात भावांतर योजनेतून झालेली खरेदी आणि महाराष्ट्रात हमीभाव खरेदीचा वाढलेला वेग, यामुळे सोयाबीन दरात दोन आठवड्यांमध्ये २०० रुपयांपर्यंत सुधारणा झाली आहे. पुढील काळात बाजारातील आवक आणखी कमी होण्याची शक्यता आहे. त्यामुळे जानेवारी महिन्यात दरात २०० ते ३०० रुपयांपर्यंत सुधारणा दिसू शकते, असा अंदाज अभ्यासकांनी व्यक्त केला आहे..देशातील बाजारात सध्या सोयाबीनची आवक टिकून असली, तरी सरासरीपेक्षा कमीच आहे. रोज बाजारात दोन ते अडीच लाख क्विंटल सोयाबीन बाजारात येत आहे. मध्य प्रदेशातील सोयाबीन आवक यंदा सुरुवातीपासूनच अधिक आहे. मध्य प्रदेशात यंदा भावांतर योजना राबवली जात आहे..Soybean Procurement: नारायणगावात ३५८ टन सोयाबीन खरेदी .बाजारभाव आणि हमीभावातील फरक सरकार शेतकऱ्यांना देत आहे. त्यामुळे मध्य प्रदेशातील शेतकरी सोयाबीनची विक्री सातत्याने करत आहेत. महाराष्ट्रातील आवक मात्र कमी आहे. मध्य प्रदेशातील बाजारात रोज एक ते दीड लाख क्विंटल तर महाराष्ट्रात एक लाख क्विंटलच्या दरम्यान आवक दिसत आहे. इतर राज्यांमध्ये आवक ३० ते ४० हजार क्विंटल होत आहे..मध्य प्रदेशात भावांतर योजनेत आतापर्यंत जवळपास १२ ते १४ लाख टन सोयाबीनची विक्री झाली असून, सरकारने १३०० कोटींचा भावफरक शेतकऱ्यांना दिला आहे. राजस्थानमध्ये यंदा उत्पादनात मोठी घट झाली आहे. त्यामुळे आवक कमी आहे. मध्य प्रदेशात भावांतर योजनेतून खरेदी वाढत आहे. व्यापारी कमी दरात सोयाबीन घेऊन स्टाॅक करत आहेत. तर महाराष्ट्रातही हमीभावाने खरेदी वाढत आहे. याचा आधार सोयाबीनच्या दराला मिळत आहे..Soybean MSP Registration: सोयाबीन नोंदणीला एक महिना मुदतवाढ.सोयाबीनचे दरसोयाबीनला बाजार समित्यांमध्ये सध्या सरासरी प्रति क्विंटल ४४०० ते ४ हजार ८०० रुपयांचा दर मिळत आहे. प्रक्रिया प्लांट्सचे खरेदी भाव ४ हजार ९०० ते ५ हजार १०० रुपयांच्या दरम्यान आहेत. एनसीडीईएक्सच्या डिलेवरी केंद्रांवर ५ हजार ते ५१०० रुपयांनी व्यवहार होत आहेत. तर बियाण्याच्या सोयाबीनला ५५०० ते ७ हजारांच्या दरम्यान भाव मिळत आहे. सोयापेंडचे दर टनाला ३५ हजार ते ३८ हजार रुपयांच्या दरम्यान आहेत..हमीभावाने खरेदी ४ लाख टनांवरराज्यात आतापर्यंत चार लाख टन सोयाबीनची हमीभावाने खरेदी झाली आहे. खरेदी केंद्रांची संख्याही वाढली आहे. तसेच सरकारने सोयाबीन नोंदणीसाठी ३१ जानेवारीपर्यंत मुदतवाढ दिली आहे. त्यामुळे हमीभावाने खरेदीत आणखी वाढ होण्याची शक्यता आहे. रोज २० ते ३० हजार टन सोयाबीनची खरेदी होत आहे. खुल्या बाजारात दर सुधारल्यानंतर खरेदी काहीशी कमी होत आहे. मात्र तरीही बहुतांशी शेतकऱ्यांचा ओढा हमीभावाने विक्रीकडेच आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
