Pune News: सोयाबीनसह ७ शेतीमालांच्या वायदेबंदीला ४ वर्षे पूर्ण झाली असून ३१ मार्चपर्यंत बंदी कायम असणार आहे. पण आता सेक्युरिटीज अॅण्ड एक्स्चेंज बोर्ड ऑफ इंडिया अर्थात ‘सेबी’ने स्थापन केलेली समिती वायदेबंदी उठवण्याची मागणी करणार आहे. वायद्यांचा शेतीमालाच्या दरावर खूपच कमी परिणाम होतो हे समितीने सिद्ध केले आहे, अशी माहिती सूत्रांनी दिली आहे. .‘सेबी’ने एक समिती स्थापन केली होती. या समितीच्या अहवालानंतर ‘सेबी’ने इक्विटी बाजाराच्या नियमात शिथिलता आणली होती. आता ही समिती कमोडिटी डेरिवेटीव बाजारात सुधारणा करण्याच्या शिफारशी करणार आहे. समितीचा अहवाल नवीन वर्षाच्या सुरुवातीला ‘सेबी’कडे जाऊ शकतो, अशी माहिती या घडामोडींशी थेट संबंधित असलेल्या सूत्रांनी दिल्याचे वृत्त ‘रॉयटर्स’ या वृत्तसंस्थेने दिले आहे. कमोडिटी मार्केटचे मजबुतीकरण करणे आणि या बाजारात सहभाग वाढावा हा ‘सेबी’चा उद्देश आहे..Soybean Market: सोयाबीनचे ७ कोटी ७१ लाख ७० हजार रुपयांचे चुकारे अदा .‘सेबी’ने स्थापन केलेली ही समिती शेतीमालाच्या वायद्यांवरील बंदी उठविण्याचीही शिफारस करणार आहे. केंद्रीय वाणिज्य मंत्र्यांनी २०२१ मध्ये शेतीमालाच्या वायदेबंदीचा तुघलकी निर्णय घेतला होता. ‘सेबी’ने सात शेतीमालांच्या वायद्यांवर एक वर्षासाठी बंदी घातली होती. यात सोयाबीनसह सोयातेल, सोयापेंड, मोहरीसह मोहरीतेल, मोहरीपेंड, कच्चे पाम तेल, हरभरा, गहू, बिगर बासमती तांदूळ, मुगाचा समावेश होता. वायद्यांमध्ये सट्टेबाजी होत असल्याने भाववाढ होते, असा सरकारचा दावा होता. .Soybean Procurement: गंगाखेड केंद्रावर साडेतीन हजार क्विंटल सोयाबीन खरेदी.समिती आपल्या अहवालात वायदेबंदीच्या आधी आणि वायदेबंदीनंतर शेतीमालाच्या किमतीत कसा बदल झाला, याचा पुरवा देऊन वायदेबंदी मागे घेण्याची शिफारस करणार आहे. वायद्यांचा शेतीमालाच्या किमतींवर खूपच कमी परिणाम होतो, त्यामुळे वायदेबंदी व्यवहार्य नाही. ‘सेबी’चे व्यवस्थापन या मताशी सहमत असल्याचेही सूत्रांनी सांगितले आहे. तसेच कमोडिटी डेरिवेटीवर जीएसटी कमी असावा, अशी शिफारसही समिती करणार आहे..सोयाबीनच्या वायद्यांची गरजसोयाबीनचे भाव मागील वर्षापासून घसरलेले आहेत. शेतकऱ्यांना उत्पादन खर्चाएवढाही भाव मिळत नाही. पुढील काळात भाव मिळणार की नाही, याची माहितीही वायदे उपलब्ध नसल्याने मिळत नाही. तसेच जोखीम व्यवस्थापनही शक्य होत नाही. बाजारात मिळेल त्याच दराने शेतकरी सोयाबीन विक्रीसाठी हतबल होत आहेत. त्यामुळे सोयाबीनचे वायदे सुरू करण्याची मागणी शेतकरी करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
