Maharashtra Agriculture Update: अतिवृष्टी, बदलते वातावरण आणि नैसर्गिक संकटांच्या तडाख्यात जिल्ह्यातील डाळिंब बागा अडचणीत सापडल्या होत्या. त्यामुळे काही काळ डाळिंब निर्यात मंदावली होती. मात्र कृषी विभागाने निर्यात वाढीसाठी विविध उपक्रम राबविले. त्यामुळे जिल्ह्यातील डाळिंब व डाळिंब दाण्यांच्या निर्यातीला पुन्हा गती मिळत आहे. .२०२५-२६ या आर्थिक वर्षात ५८९ टन निर्यात झाली आहे. तर, २४-२५ च्या तुलनेत मागील वर्षात २५० टनांनी वाढ झाली आहे.जिल्ह्यात डाळिंबाचे क्षेत्र सुमारे नऊ हजार हेक्टर इतके आहे. जिल्ह्यातील प्रामुख्याने आटपाडी तालुक्यात सर्वाधिक डाळिंब क्षेत्र असून त्याखालोखाल जत तालुक्याचा क्रमांक लागतो..Pomegranate Export: डाळिंब निर्यातीला प्रोत्साहन देणार : पणनमंत्री रावल .गेल्या वर्षभरात शेतकरी डाळिंब लागवडीकडे वळला आहे. त्यामुळे जिल्ह्यातील डाळिंबाचे क्षेत्रात अंदाजे एक ते दीड हजार हेक्टरने वाढले असा अंदाज कृषी विभागाने व्यक्त केला आहे. शेतकऱ्यांकडून मृग, हस्त आणि आंबिया बहार धरला जातो. सर्वाधिक हंगाम मृग बहरात असतो. त्यानुसार डाळिंब उत्पादक शेतकरी बहराचे नियोजन करतो..डाळिंब व डाळिंबाचे दाणे यांची वर्षभर निर्यात होते. सर्वाधिक निर्यात मृग बहरातील डाळिंबाची होते. आटपाडी तालुक्यासह जत, कवठेमहांकाळ तालुक्यातून डाळिंबाची निर्यात होते. फ्रान्स, नेदरलँड, सिंगापूर, स्वित्झर्लंड, अमेरिका, सौदी अरेबिया, संयुक्त अरब अमिराती या देशांत निर्यात होते. सर्वाधिक निर्यात युरोपियन देशात होत आहे..Pomegranate Export: देशातून डाळिंब निर्यात घटण्याचा अंदाज.गेल्या काही बदलत्या वातावरणामुळे उत्पादनही कमी झाले आहे. त्यामुळे देशांतर्गत बाजारपेठेत डाळिंबाची आवक मंदावली असल्याचे चित्र आहे. यंदाही हीच परिस्थिती दिसून येते. त्यामुळे देशांतर्गत बाजारात आवक कमी असल्याने डाळिंबाला चांगले दर मिळत आहेत. त्यामुळे शेतकऱ्यांचा निर्यातीकडे कल काहीसा कमी झाला असल्याचे चित्र आहे..जिल्ह्यातून डाळिंबासह अन्य फळांची निर्यात वाढावी यासाठी कृषी विभागाने तालुकास्तरावर मेळावे, प्रशिक्षणासह घेतले. त्यानंतर जिल्हा स्तरावर ‘बायर सेलर मिटी’असा उपक्रम राबवला. या उपक्रमात निर्यातदार आले होते. त्यामुळे याचा फायदा शेतकऱ्यांना झाला. गतवर्षीच्या आर्थिक वर्षात डाळिंबाची निर्यातीत वाढ झाली आहे..जिल्ह्यातून झालेली डाळिंबाची निर्यात दृष्टीक्षेपवर्ष... टन२०२३-२४...३७.३५२०२४-२५...३३९.७७२०२५-२६...५८९.९६.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
