Sangli Grape Farming: सांगली जिल्ह्यातील द्राक्ष निर्यातीचा हंगाम अंतिम टप्प्यात आला आहे. मात्र यंदा निर्यातीचा हंगाम सुरू झाल्यापासून निर्यातीला फारशी गती नसल्याचे चित्र आहे. जिल्ह्यातून आजअखेर युरोपियन देशांसह आखाती देशांत ६६४ कंटेनर म्हणजे ८ हजार ९५४ टन द्राक्षाची निर्यात झाली आहे. गतवर्षी अतिवृष्टीचा फटका द्राक्ष पिकाला बसला आहे. त्यामुळे यंदा निर्यात घटणार आहे. .गतवर्षी मे महिन्यापासून सुरू झालेला पाऊस आणि त्यानंतर संततधार, अतिवृष्टीचा फटका पिकाला बसला. त्यामुळे फळ छाटणीचे नियोजन विस्कळीत झाले. या साऱ्याचा परिणाम द्राक्ष निर्यातीच्या नोंदणीवर झाला. जिल्ह्यातून यंदाच्या हंगामात द्राक्ष निर्यातीसाठी ८ हजार ३५६ शेतकऱ्यांनी ४ हजार ४३५ हेक्टरवरील निर्यात करण्यासाठी द्राक्ष बागेची नोंदणी केली..Grape Cluster Development Program: द्राक्ष समूह विकास कार्यक्रमाची सुरुवात.जिल्ह्यातील डिसेंबर द्राक्ष निर्यात सुरू झाली. यंदाच्या हंगामात जिल्ह्यातून प्रामुख्याने नेदरलँड्स, युनायटेड किंग्डम, संयुक्त अरब अमिराती यासह अठरा देशांत जिल्ह्यातील द्राक्ष पोहोचली आहेत. गतवर्षी जिल्ह्यातून १० हजार १६५ शेतकऱ्यांनी युरोपियनसह आखाती देशांत १७ हजार ८९७ टन द्राक्षाची निर्यात केली होती..Grape Farmer Issue: दोन लाखांच्या मर्यादेमुळे द्राक्ष उत्पादकांमध्ये नाराजी .यंदाच्या हंगामात जिल्ह्यातून युरोपियन देशात ५२२ कंटेनर म्हणजे ६ हजार ८२४ टन द्राक्षाची निर्यात झाली आहे. जिल्ह्यातील द्राक्ष निर्यातीचा द्राक्षाचा हंगाम अंतिम टप्प्याकडे पोहोचला आहे. पंधरा दिवस निर्यात सुरू राहील, असा अंदाज कृषी विभागाने व्यक्त केला आहे. वास्तविक पाहता गेल्या वर्षीच्या तुलनेत यंदाच्या हंगामात द्राक्षाची निर्यात घटेल..युद्धाची निर्यातीला झळमध्य पूर्वेत सुरू असलेल्या युद्धजन्य परिस्थितीची झळ द्राक्ष उद्योगाला बसली आहे. आखाती देशातील प्रमुख बाजारपेठांकडे होणारी द्राक्ष निर्यात मंदावली होती. अशा परिस्थितीतही जिल्ह्यातून आखाती देशात द्राक्षाची निर्यात हळूहळू सुरू आहे. जिल्ह्यातून आखाती देशातील कुवेत, ओमन, कतार,सौदी अरेबिया, संयुक्त अरब अमिराती या देशांत १४२ कंटेनर म्हणजे २१३०.८५ टन द्राक्षाची निर्यात झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
