Nashik News: यंदाच्या द्राक्ष हंगामात नैसर्गिक आपत्तीमुळे उत्पादनात ४० ते ५० टक्क्यांपर्यंत घट झाल्याची स्थिती आहे. त्यामुळे काढणी हंगामाची सुरुवात झाल्यापासूनच प्रति किलो १०० रुपयांवर दर मिळत आहे..सध्या किलोला १०० रुपयांपासून कमाल २०० रुपयांपर्यंत प्रतवारीनुसार दर मिळाले आहेत. यंदाचे दर आतापर्यंतचे विक्रमी म्हणून नोंदविले गेले आहेत..Grape Orchard Issue: द्राक्ष बागांवर कुऱ्हाड.गेल्या वर्षी खरड छाटणी झाल्यानंतर मे-२०२५ पासून सुरू झालेल्या पावसामुळे द्राक्षवेलींना सूक्ष्म घडनिर्मितीसाठी जो सूर्यप्रकाश आवश्यक असतो, तो मिळालाच नाही. तर अतिवृष्टी आणि संततधार पावसामुळे बागांमध्ये पाणी साचून राहिले. यामुळे द्राक्ष बागांच्या मुळ्या कुजल्या, ज्याचा थेट परिणाम वेलीच्या पोषणावर झाला..Grape Season: पुणे बाजार समितीत द्राक्षाचा हंगाम सुरू.परिणामी, या दुहेरी संकटामुळे द्राक्ष बागांचे ६० टक्क्यांपेक्षा अधिक नुकसान झाले आहे. जवळपास ७० टक्क्यांपर्यंत, तर सरासरी ४० ते ५० टक्के एकरी उत्पादनात घट आहे. उत्पादकता कमी झाली असली तरी हंगामात खुडे सुरू आहेत. मात्र मागणीनुसार पुरवठा होत नसल्याने दरात तेजी कायम आहे..आणखी दर वाढण्याची चिन्हेसध्या ढगाळ वातावरण असूनही द्राक्षांना मागणी आहे. पुढे उन्हाचा चटका वाढून द्राक्ष मण्यांमध्ये साखर उतरल्यास गोडीमुळे मागणी वाढून दरवाढीची शक्यता शेतकऱ्यांनी वर्तविली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
