Sangli News: देशभरात बेदाण्याची मागणी अपेक्षेपेक्षा कमी असल्याने बाजारात उठाव मंदावला असला, तरी दर मात्र स्थिर राहिले आहेत. प्रतवारीनुसार २५० ते ४१५ रुपयांपर्यंत दर मिळत आहेत. दरात मोठे चढ-उतार होण्याची शक्यता नाही, असा अंदाज उद्योगातील जाणकारांनी व्यक्त केला आहे. येत्या फेब्रुवारीच्या पहिल्या आठवड्यात बेदाणा निर्मिती हंगाम सुरू होईल, असेही त्यांनी सांगितले आहे..गेल्या वर्षीचा दीड ते दोन हजार गाडी बेदाणा अजून शिल्लक आहे. नवीन बेदाणा विक्रीला येईपर्यंत पुरवठा होईल. गेल्या पंधरा दिवसांपासून देशभरात बेदाण्याची मागणी फारशी नाही. नोव्हेंबरच्या दुसऱ्या आठवड्यात दरात प्रति किलोस २० रुपयांनी वाढ झाली होती. बाजारपेठेतील मागणीचा अंदाज घेऊनच शेतकरी बेदाणा विक्री करत असल्याने दर चांगले राहिले आहेत..Green Raisin Prices: हिरवा बेदाणा दरात सुधारणा.बेदाणा शेडवर हंगामाच्या पूर्व तयारीसाठी परराज्यातून २० हजारांहून अधिक मजूर दाखल होतात. जानेवारीच्या पहिल्या आठवड्यापासून बेदाणा शेडची डागडुजी केली जाणार आहे. त्यादृष्टीने आत्तापासून शेड मालकांनी नियोजन करण्यास सुरुवात केली आहे. यंदाचा बेदाणा निर्मितीचा हंगाम फेब्रुवारीच्या पहिल्या आठवड्यापासून प्रारंभ होईल. अर्थात नवा बेदाणा फेब्रुवारी महिन्याच्या शेवटच्या आठवड्यापासून विक्रीस येण्याची शक्यता आहे..Raisin Market: झीरो पेमेंटसाठी बेदाण्याचे सौदे एक महिना बंद.गतवर्षीही द्राक्ष पिकाला फटका बसला होता. त्यामुळे सुमारे पन्नास टक्केच शेडवर बेदाणा निर्मिती सुरू झाली होती. यंदा अति पावसामुळे द्राक्षाचे उत्पादन ६० टक्क्यांपेक्षा अधिक घटणार असल्याने बेदाण्याला याचा फटका बसण्याचा प्राथमिक अंदाज बेदाणा उत्पादक आणि शेड मालकांकडून व्यक्त केला जात आहे. त्यामुळे हंगामाची पूर्व तयारी कधीपासून सुरू करायची असाही प्रश्न निर्माण झाला आहे. तसेच यंदाही शेडची संख्या कमी राहील असा प्राथमिक अंदाज व्यक्त केला जात आहे..मागणी आणि उठाव कमी असला तरी, दर चांगले आहेत. सध्याचे दर टिकून राहतील. फेब्रुवारीपासून नवा बेदाणा विक्रीस येईल.सुशील हडदरे, बेदाणा व्यापारी, सांगली.निसर्गाच्या आघातामुळे द्राक्षाचे उत्पादन घटले आहे. त्यामुळे बेदाणा निर्मितीकडे किती शेतकरी येतील, हे आत्ताच सांगणे कठीण आहे. परंतु फेब्रुवारीच्या दुसऱ्या आठवड्यापासून बेदाणा निर्मिती सुरू होईल, त्यादृष्टीने जानेवारीत हंगाम पूर्व तयारी सुरू केली जाणार आहे.सुनील माळी, बेदाणा शेड मालक, केरेडवाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
