Dry Fruit Market: सांगली, सोलापूर जिल्ह्यांतील बेदाणा निर्मितीचा हंगाम अंतिम टप्प्याकडे आला आहे. वास्तविक पाहता, गतवर्षीच्या तुलनेत यंदा बेदाणा शेडवर फारशी लगबग नसल्याचे चित्र होते. त्यातच गेल्या पंधरा दिवसांपासून वादळी वारा, ढगाळ वातावरणाचा फटका बेदाणा निर्मितीला झाला आहे. परिणामी दर्जेदार बेदाणा तयार होण्यास अडचणी आल्या. दर टिकून राहतील, असा अंदाज जाणकारांनी व्यक्त केला आहे..गतवर्षी मे महिन्यापासून सुरू झालेला पाऊस, जून महिन्यापासून संततधार पाऊस आणि सप्टेंबर-ऑक्टोबर महिन्यांतील अतिवृष्टी या साऱ्यामुळे द्राक्ष पिकाला फटका बसला. परिणामी उत्पादनही घटले. याचा परिणाम बेदाणा हंगामावर झाला. त्यामुळे यंदाचा बेदाणा निर्मितीचा हंगाम जवळपास १५ ते २० दिवसांनी उशिरा सुरू झाला आहे. सांगली जिल्ह्यासह सोलापूर जिल्ह्यातील जुनोनी भागात अंदाजे पन्नास टक्केपेक्षा शेडवर बेदाणा निर्मिती सुरू झाली. हंगामाच्या पहिल्या दिवसापासून शेडवर बेदाणा तयार करण्यासाठी फारशी लगबग नव्हती..Raisin Making at Home: वेलीवरच सुकवून द्राक्षांपासून बेदाणा तयार करण्याची सोपी पद्धत.यंदाचा बेदाणा हंगाम दोन महिने सुरू राहील, अशी शक्यता वर्तवली होती. मात्र, मध्यपूर्वेतील युद्धाच्या झळीमुळे दराचा अंदाज घेत बेदाणा तयार करण्यासाठी पुढाकार घेतला. तरीही हंगामाला फारशी गती आली नाही. मार्च महिन्याच्या मध्यापर्यंत बेदाणा निर्मितीला पोषक वातावरण होते. त्यामुळे दर्जेदार बेदाणा तयार होत होता. परंतू, मार्च महिन्याच्या मध्यापासून दररोज वातावरणात बदल होवू लागले. त्यामुळे बेदाणा तयार होण्यास अडचणी येऊ लागल्या..कर्नाटकात उत्पादन वाढण्याची शक्यताकर्नाटकातही बेदाणा तयार होतो. हा बेदाणा सांगली, तासगाव याठिकाणी विक्रीस येतो. वास्तविक पाहता, राज्यात पावसामुळे बेदाण्याचे उत्पादन कमी होणार आहे. परंतू, कर्नाटकात निसर्गाने साथ मिळाल्याने पिकाचे नुकसान झाले नसून पोषक वातावरण होते. त्यामुळे या राज्यातील बेदाण्याचे उत्पादन वाढणार असल्याचे तासगाव बाजार समितीच्या सूत्रांनी सांगितले. अर्थात महाराष्ट्र आणि कर्नाटक या दोन्ही राज्यांच्या एकत्रित बेदाण्याचे उत्पादनात २० टक्क्यांनी वाढेल, असा अंदाज व्यक्त केला जात आहे..Raisin Industry Success: आधुनिक आणि यांत्रिकीकरणातून विस्तारलेला बेदाणा उद्योग .बाजारात आणि शीतगृहात शेतकरी बेदाणा ठेवण्यासाठी येत आहेत. त्यामुळे यंदाच्या हंगामातील बेदाण्याचे उत्पादन किती झाले आहे, याचा अंदाज आताच लावता येणार नाही. त्यामुळे एप्रिलच्या मध्यापासून शीतगृहात बेदाण्याची आवक झाली आहे. याची माहिती घेण्याचे काम सुरू होईल, त्यानंतरच बेदाण्याचे उत्पादन घटले की, वाढले याचा अंदाज येऊ शकतो..बेदाण्याचे दर टिकूनबाजार समितीत बेदाण्याची ५५० ते ६०० गाडी (एक गाडी दहा टनाची) आवक होत आहे. बेदाण्याला बाजार मागणी असून उठावही होत आहे. त्यामुळे दरही चांगले आहेत. सद्यःस्थितीला सांगली बाजार समितीत १५० गाडी, तासगाव बाजार समितीत २०० गाडी, तर पंढरपूर बाजार समितीत आठवड्यातून एकदा सौदे होतात, या सौद्याला २०० गाडी बेदाण्याची आवक होते. शेतकरी दराची परिस्थिती पाहूनच बेदाणा विक्री करत आहेत. बेदाण्याचे दर टिकून राहतील..बेदाणा दर(प्रति किलो/रुपयांत)हिरवा २५० ते ४००पिवळा २७० ते ३५०काळा १०० ते १८०.हंगाम सुरू होऊन दोन महिने झाले, पण गेल्या पंधरा दिवसांत बदलत्या वातावरणामुळे दर्जेदार बेदाणा तयार होण्यास अडथळे आले. यंदा गतवर्षीच्या तुलनेत बेदाणा शेडवर शेतकऱ्यांची संख्या कमीच होती.सागर माळी, बेदाणा शेड मालक, केरेवाडी, जि. सांगली.बाजारात बेदाण्याला मागणी आणि उठावही चांगला आहे. युद्धाची झळ बेदाणा मार्केटवर नाही. त्यामुळे दर टिकून राहतील, असा अंदाज आहे. शेतकरी मागणीनुसार बेदाणा विक्रीला घेऊन येत आहेत.सुशील हडदरे, बेदाणा व्यापारी, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
