Jalgaon News: खानदेशात पपई रोपांचा पुरवठा सध्या अपेक्षेपेक्षा अधिक आहे. नोव्हेंबर ते जानेवारी या कालावधीत आगाप पपई लागवड कमी आहे. सध्या पपई लागवड कमी किंवा हवी तेवढी नसल्याने पपई रोपांची मागणी, उठाव कमी असून, पपई रोपांचे दर घसरले आहेत. .पपई रोपांचे दर प्रति रोप १३ ते १५ रुपये, या दरात जागेवर किंवा पोच शेतकऱ्यांना मिळत होते. अनेक पपई रोपे निर्मात्यांनी रोपांच्या दरात वाढ केली. कारण पपई लागवड वाढेल, असा अंदाज होता. पण लागवड कमी आहे. आगाप लागवड शेतकरी टाळत आहेत. त्यात दर मागील दीड ते दोन महिना कमी आहेत. नोव्हेंबरमध्येही जागेवर चार ते पाच रुपये प्रति किलोचा दर मिळाला. यामुळे आगाप पपई लागवडीकडे या कालावधीत फारसा ओढा नाही..Papaya Seedling Price: अस्थिरतेमुळे पपई रोपांच्या दरात घसरण.आगाप पपई लागवड खानदेशात नोव्हेंबर ते जानेवारी या कालावधीत केली जाते. तर हंगामी लागवड फेब्रुवारीनंतर मे अखेरपर्यंत सुरू असते. सध्या १५ नंबर वाणाच्या पपई रोपांचे दर नऊ ते १० रुपये या दरात पोच मिळत आहेत. रोपांचे दर लागवड अल्प असल्याने कमी आहेत. रोपांची मागणी कमी आहे. यंदा १५ नंबर वाणाच्या पपई पिकात रोगराई दिसत होती. उत्पादनही कमी आहे..Papaya Market Khandesh: खानदेशात पपई आवक कमीच.आगाप लागवड अल्प१५ नंबर वाणाच्या पपई रोपांची मागणी कमी आहे. या रोपांचा पुरवठा धाराशिव, जालना, नाशिक, छत्रपती संभाजीनगर व जळगाव, धुळे जिल्ह्यातील विविध रोपवाटिका चालक करीत आहेत. तसेच ७८६ वाणाच्या पपई रोपांनाही उठाव कमी आहे. ७८६ वाणाची लागवड कमी होताना दिसत आहे..कारण या वाणावर रोगराई अधिक असते. या वाणात उत्पादन चांगले येते, पण रोगराईमुळे खर्च अधिक असतो, असे शेतकऱ्यांचे म्हणणे आहे. पपईखालील क्षेत्र खानदेशात यंदा फेब्रुवारीनंतर वाढू शकते. यामुळे पपई रोपांची मागणीही पुढील दीड ते दोन महिने कमी राहणार आहे. मागील काही दिवसात रोपांची मागणी कमी असल्याची स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
