Pune News: मध्य प्रदेश सरकारने सोयाबीनसाठी भावांतर योजनेतून शेतकऱ्यांना १३०० रुपयांचा भावफरक जाहीर केला आहे. सरकारने सोयाबीनचा मॉडल भाव प्रति क्विंटल ४०३३ रुपये काढला. हमीभाव आणि मॉडल भावात आलेला फरक १३ तारखेला शेतकऱ्यांच्या खात्यात जमा करण्यात येणार आहे. .मध्य प्रदेशात २४ ऑक्टोबरपासून भावांतर भुगतान योजनेतून सोयाबीन खरेदीला सुरुवात करण्यात आली. खरेदी सुरू झाल्यापासून ७ नोव्हेबरपर्यंतच्या १५ दिवसांसाठी ४०३३ रुपये माॅडल भाव काढण्यात आला. यंदा सरकार दर १५ दिवसाला माॅडल भाव काढणार आहे. त्यामुळे कमी भावात माल विकलेल्या शेतकऱ्यांना दिलासा मिळणार आहे..Soybean Procurement: कोल्हापूर जिल्ह्यात सोयाबीन खरेदी नोंदणीसाठी तीन केंद्रे.मध्य प्रदेशात आतापर्यंत ३६ लाख शेतकऱ्यांनी भावांतरमधून सोयाबीन विक्रीसाठी नोंदणी केली आहे. नोंदणी केल्यानंतर शासन मान्य बाजारांमध्ये माल विकल्याच्या पावत्या दिल्यानंतर भावफरक दिला जाणार आहे. त्यामुळे मध्य प्रदेशातील शेतकऱ्यांना हमीभाव मिळण्याचा मार्ग मोकळा झाला आहे..Soybean Market: सोयाबीन बाजाराची चाल कशी असेल?.महाराष्ट्रात खरेदीला गती नाहीमहाराष्ट्रात भावांतर योजनेऐवजी हमीभावाने खरेदी करण्याचा निर्णय राज्य सरकारने घेतला. मात्र सोयाबीन खरेदीसाठी अजून नोंदणीच सुरू आहे. खरेदी केंद्रांची संख्या तुटपुंजी असल्यामुळे नोंदणीसाठी शेतकऱ्यांची गर्दी होत आहे. खरेदी केंद्रांवर पाॅस मशिनच्या अडचणी आणि सर्व्हरच्या अडचणी असल्याने नोंदणीला उशीर होत आहे. सोयाबीनची प्रत्यक्ष खरेदी १५ नोव्हेंबरपासून सुरू होणार असल्याचे राज्य सरकारने जाहीर केले आहे..परंतु अद्याप मान्यता मिळालेल्या खरेदी केंद्रांची संख्या २५० पेक्षा जास्त नाही, असे सूत्रांनी सांगितले. खरेदी केंद्रांना मान्यता मिळाली तरी लगेच खरेदी सुरू होण्यासाठी बारदाना आणि इतर साहित्य तसेच शेतकऱ्यांची नोंदणी आवश्यक आहे. आता नवे केंद्रे कधी सुरू होणार, त्यांच्याकडे शेतकरी नोंदणी कधी करणार आणि प्रत्यक्ष खरेदी कधी सुरू होणार, असे प्रश्न खुद्द खरेदी केंद्रचालक उपस्थित करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
