Sangli News: देशभरात पाऊस सुरू असल्याने हळदीची मागणी कमी झाली आहे. परिणामी, काही दिवसांपासून हळदीचे दर कमी होऊ लागले आहेत. गेल्या महिनाभरात प्रति क्विंटलला ५००- १००० रुपयांनी दरात घसरण झाली आहे. निर्यातही कमी झाली असून दरात तेजी होण्याची शक्यता नाही, असा अंदाज या उद्योगातील जाणकारांनी व्यक्त केला आहे..जुलै महिन्याच्या शेवटच्या आठवड्यात हळदीच्या दरात प्रति क्विंटलमागे ३०० ते ४०० रुपयांनी घटले होते. या दरम्यान, दरात फारशी तेजी होण्याची शक्यता नसल्याचा अंदाज व्यापारी वर्गाने व्यक्त केला होता. गेल्या महिनाभरात देशभरातील हळदीच्या बाजारपेठांमध्ये ग्राहकांची संख्या मंदावली आहे. त्यातच पाऊस सुरू झाला आहे. यामुळे हळदीची आवक कमी झाली आहे. त्याचा परिणाम मागणीवर झाला आहे..Turmeric Market: वायदेबंदीची अवास्तव मागणी.सद्यःस्थितीला प्रतवारीनुसार प्रति क्विंटल ९ हजार ते १४०० हजार रुपये असा दर मिळत आहे.देशभरातील हळद विक्रीचा हंगाम जवळपास संपला आहे. मराठवाडा, विदर्भासह तेलंगण, निजामाबाद, आंध्र प्रदेश, तमिळनाडू या भागांतील शेतकऱ्यांकडे ३ ते ४ टक्के हळद शिल्लक आहे. सद्यःस्थितीला मराठवाडा आणि विदर्भातील बाजारांत दररोज १५ ते २० हजार पोत्यांची आवक होत आहे..Turmeric Market: हळदीचे वायदे बंद करण्याची व्यापाऱ्यांची मागणी.गेल्या पंधरा ते वीस दिवसांपासून दरात प्रति किलोस १ ते ३ रुपयांपर्यंत दर कमी होत असल्याचे व्यापाऱ्यांनी सांगितले आहे. गेल्या महिनाभरात दरात प्रति क्विंटलमागे ५०० ते १००० रुपयांनी दर कमी झाले आहेत. येत्या काळात दर अजून कमी होतील असाही अंदाज व्यापाऱ्यांनी व्यक्त केला आहे.गत हंगामातील शिल्लक राहिलेली जानेवारी २०२६ पर्यंत विक्री पूर्ण होईल. ही हळद विक्री करण्यासाठी चार महिन्यांचा कालावधी आहे. या कालावधीत हळदीची उठाव फारसा राहणार नाही..गेल्या महिन्यापासून हळद दरात मंदी येऊ लागली आहे. एकंदर स्थिती पाहता, अशीच परिस्थिती राहील असे चित्र आहे. यंदा देशभरात हळदीची लागवड वाढली आहे. हळद पीक चांगले आहे.मनोहर सारडा, हळद व्यापारी, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
