Jalgaon News: खानदेशात दर्जेदार, निर्यातक्षम केळीला शिवार किंवा थेट खरेदीत कमाल १००० रुपये प्रति क्विंटलपर्यंतचा दर मिळत आहे. तर किमान दर ४०० ते ६०० रुपये प्रति क्विंटलपेक्षा अधिक आहेत. आवक आणखी वाढली असून, दरांवर दबाव आहे..दर्जेदार केळी सध्या जळगाव जिल्ह्यातील चोपडा, जामनेर, जळगाव, पाचोरा, भडगाव, चाळीसगाव, यावल भागांत आहे. या भागात आवकेत वाढ झाली आहे. दुसरीकडे रावेर, मुक्ताईनगर भागांत केळीची आवक कमी झाली आहे..Banana Market : केळी खरेदीत काटतीची तक्रार कायम.धुळ्यातील शिरपूर भागात केळीची आवक कमी आहे. नंदुरबारातील आवकही कमी होत आहे. खानदेशात रोज २८० ट्रक (एक ट्रक १६ टन क्षमता) केळीची आवक होत आहे. त्यात आता सुमारे १५ ते २० ट्रकने वाढ झाली आहे. मध्यंतरी आवकेत घट झाली होती..Banana Cultivation : कांदेबाग केळी लागवडीची तयारी.नवरात्रोत्सवाची मागणी पूर्णनवरात्रोत्सवासंबंधी केळीची साठवणूक खरेदीदार, मोठे पुरवठादार व विक्रेत्यांनी केली आहे. यामुळे मध्यंतरी केळी दरात सुधारणा झाली होती. पण आता नवरात्रोत्सव सुरू होतानाच केळी दरात घट झाली आहे. मध्यंतरी कमाल दर १३०० ते १४०० रुपये प्रतिक्विंटल, असे होते. पण त्यात आणखी घट झाली आहे..खानदेशलगत मध्य प्रदेशातही केळीची आवक घटली आहे. बऱ्हाणपुरात आवक कमी झाली, पण सर्व केळीची लिलावात विक्री झाली नाही. जेवढी केळी बाजारात होती, त्यातील ७० टक्के केळीची लिलावात खरेदी झाली. यामुळेदेखील आवकेचा दबाव वाढला आहे. तेथेही कमाल दर ११०० रुपये प्रतिक्विंटल, असे आहेत. केळी दरात मध्यंतरी सुधारणा झाली होती. आता पुन्हा घट झाल्याने शेतकरी चिंतेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
