Egg Price Drop : थंडीच्या पार्श्वभूमीवर अंड्यांना वाढलेली मागणी आणि तुलनेने मर्यादित पुरवठा यामुळे गेल्या काही आठवड्यांत अंडीदर मोठ्या प्रमाणात तेजीत होते. प्रति शेकडा ७५० रुपयांपर्यंत गेलेले हे दर आता मात्र अचानक कोसळले असून, सध्या अंडी दर थेट ५०० रुपये प्रति शेकडा इतके झाले आहेत. दरातील या तीव्र घसरणीमुळे पोल्ट्री उत्पादकांना उत्पादन खर्चाचीही भरपाई होत नसल्याने व्यवसाय अडचणीत सापडला आहे..राज्यात दररोज सुमारे एक कोटी अंड्यांची मागणी आहे. मात्र राज्यातील पोल्ट्री व्यवसायाकडून ही संपूर्ण मागणी भागविणे शक्य होत नसल्याने आंध्र प्रदेश व तेलंगणातून मोठ्या प्रमाणात अंड्यांचा पुरवठा महाराष्ट्रात केला जातो. या बाहेरील पुरवठ्यावरच राज्यातील बाजारपेठ मोठ्या प्रमाणात अवलंबून आहे..Eggs Rate: अंड्याच्या दरात पुन्हा तेजी.दरवर्षी थंडीच्या काळात अंड्यांना मागणी वाढते, असा पूर्वानुभव आहे. यंदाही थंडीच्या हंगामात मागणी वाढल्याने दरात सुधारणा झाली होती आणि अंडी दर ७५० रुपये प्रति शेकडा या उच्चांकावर पोहोचले होते. त्यानंतर काही दिवसांत हे दर ६५० रुपये प्रति शेकडा इतके घसरले. हा दरही समाधानकारक असल्याने पोल्ट्री व्यावसायिकांमध्ये फारशी अस्वस्थता नव्हती..मात्र गेल्या दोन-तीन दिवसांत बाजारात अचानक मोठी घसरण नोंदविण्यात आली आहे. दोन दिवसांपूर्वी दर ५५० रुपये प्रति शेकडा होते, तर सध्या ते थेट ५०० रुपये प्रति शेकडा इतके खाली आले आहेत. अंड्याचा सध्याचा उत्पादन खर्च साडेचार रुपये प्रति नग इतका असल्याने या दरात विक्री केल्यास उत्पादकांना तोटा सहन करावा लागत आहे..Egg Export : बांगलादेशमध्ये तपकिरी अंड्यांच्या दरात वाढ; भारताची निर्यात ठप्प.पोल्ट्री व्यावसायिकांच्या मते, व्यापाऱ्यांकडून कमी दरात अंड्यांची खरेदी केली जात असून त्यानंतर अंड्यांचा साठा करून हळूहळू विक्री केली जात आहे. यामुळेच बाजारात कृत्रिम दर दबाव निर्माण झाल्याचे सांगितले जात आहे. दर घसरल्याने मोठ्या प्रमाणात अंड्यांचा साठा वाढत असून, पुढील काही दिवसांत दरात सुधारणा न झाल्यास पोल्ट्री व्यवसायाला मोठा फटका बसण्याची शक्यता आहे. दरम्यान, बाजारातील परिस्थिती लवकरात लवकर स्थिर न झाल्यास लहान व मध्यम पोल्ट्री उत्पादकांसमोर आर्थिक संकट उभे राहण्याची भीती व्यक्त केली जात आहे..अंडी दर ७५० रुपये प्रति शेकडा या पातळीवर पोहोचले होते. मात्र सध्या ते थेट ५०० रुपयांवर आले असून, उत्पादन खर्चही निघत नाही. व्यापाऱ्यांकडून दरांवर दबाव टाकला जात असल्याने बाजार अस्थिर झाला आहे.रवींद्र मेटकर, पोल्ट्री व्यवसायिक, अमरावती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
