Government Subsidy Scheme: पंतप्रधान सूक्ष्म अन्नप्रक्रिया योजनेतून राज्यात उभारल्या जात असलेल्या २५ हजार प्रकल्पांना बॅंकांनी आतापर्यंत एक हजार ९८२ कोटी रुपयांचे कर्जवाटप केले आहे. या योजनेसाठी प्रशिक्षण व कर्जवाटपात महाराष्ट्र देशात अग्रेसर ठरला आहे. देशभर विविध राज्यांमधील बॅंकांनी एकूण एक लाख ५९ हजार १२९ प्रकल्पांना कर्ज दिले आहे. त्यापैकी २५३३१ प्रकल्प एकट्या महाराष्ट्रातील आहेत. .दुसऱ्या क्रमांकावर बिहार (२१८३८), तर उत्तर प्रदेश (२१७२९) तिसऱ्या क्रमांकावर आहे. अन्नप्रक्रिया योजनेत सहभाग घेताना प्रशिक्षण अनिवार्य आहे. त्यामुळे आतापर्यंत देशभर आतापर्यंत एक लाख ६१ हजार २७४ व्यक्तींना प्रशिक्षण देण्यात आले. यात एकट्या महाराष्ट्रातून ४२ हजार व्यक्तींना प्रशिक्षण मिळाले आहे. शेतकरी उत्पादक कंपन्यांना (एफपीसी) या योजनेतून ‘सामूहिक पायाभूत सुविधा’ उभारणीसाठी प्रोत्साहन दिले जात आहे..PMFME Scheme: पंतप्रधान सूक्ष्म अन्नप्रक्रिया उद्योग योजनेचे २४९ प्रस्ताव मंजुरीविना.देशात एफपीसींचे १३१ प्रस्ताव मंजूर असून त्यापैकी ७२ प्रस्ताव महाराष्ट्राचे आहेत. त्यामुळे या योजनेत एफपीसींना बळकट करण्यातदेखील राज्याची आघाडी दिसून येत आहे..कोल्हापूरची आघाडीकृषी आयुक्तालयातील प्रक्रिया विभागाच्या म्हणण्यानुसार, मावळत्या २०२५-२६ या आर्थिक वर्षात अन्नप्रक्रिया योजनेतून ६५८३ प्रकल्पांना मंजुरी देण्यात आली आहे. यात कोल्हापूर जिल्हा आघाडीवर आहे. तेथे ४३२ प्रकल्पांची कामे चालू आहेत. त्या खालोखाल अमरावती जिल्ह्यामध्ये ३६४ प्रकल्प चालू होत आहेत..PMFME Scheme: ‘पीएमएफएम’मुळे ग्रामीण भागात अन्नप्रक्रिया उद्योगांना मिळतेय बळ.गेल्या आर्थिक वर्षात या योजनेतून विविध प्रकल्पांना २६२ कोटींहून अधिक अनुदान मिळाले आहे. अर्थात, या प्रकल्पांची संख्या राज्यात आणखी वाढू शकते. कारण, अद्याप ५६६१ प्रस्ताव प्रलंबित आहेत..सूक्ष्म अन्नप्रक्रिया योजनेतून राज्यात कृषी मूल्यवर्धनाबरोबरच रोजगार निर्मितीला चालना मिळाली आहे. प्रयोगशील शेतकरी, शेतकरी उत्पादक कंपन्या, शेतीमधील गट व संस्थांनी या योजनेचा अभ्यास करावा. तसेच, चांगले नियोजन करीत नवे प्रकल्प चालू करावेत.विनयकुमार आवटे, कृषी संचालक, प्रक्रिया व नियोजन विभाग.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
