Petrol and Diesel Price Hike: देशभरात मंगळवारी (ता.१९) पेट्रोल आणि डिझेलच्या दरांत पुन्हा वाढ करण्यात आली असून सरासरी लिटरमागे सुमारे ९० पैशांनी इंधन महागले आहे. गेल्या आठवड्यातच केंद्र सरकारने इंधन दरात तीन रुपयांची वाढ केली होती. त्यानंतर अवघ्या काही दिवसांत ही दुसरी दरवाढ झाली आहे..दिल्लीमध्ये पेट्रोलचे दर ८७ पैशांनी वाढून ९८.६४ रुपये प्रति लिटर झाले आहेत. डिझेलचे दर ९१ पैशांनी वाढून ९१.५८ रुपये प्रति लिटरवर पोहोचले आहेत.मुंबईत पेट्रोल ९१ पैशांनी महागून १०७.५९ रुपये प्रति लिटर झाले असून डिझेलचे दर ९४ पैशांनी वाढून ९४.०८ रुपये प्रति लिटर झाले आहेत. चेन्नईमध्ये पेट्रोल ८२ पैशांनी वाढून १०४.४९ रुपये प्रति लिटर, तर डिझेल ८६ पैशांनी वाढून ९६.११ रुपये प्रति लिटर झाले आहे..Fuel and Fertilizer Prices: इंधन, खतांचे दर दीर्घकाळ चढेच राहणार.कोलकात्यात पेट्रोलच्या दरात ९६ पैशांची वाढ होऊन दर १०९.७० रुपये प्रति लिटर झाला आहे. डिझेलचे दरही ९४ पैशांनी वाढून ९६.०७ रुपये प्रति लिटरवर गेले आहेत. जयपूरमध्ये पेट्रोल ९४ पैशांनी महागून १०८.९१ रुपये प्रति लिटर, तर डिझेल ९२ पैशांनी वाढून ९४.१५ रुपये प्रति लिटर झाले आहे..यापूर्वी १५ मे रोजी केंद्र सरकारने देशभरात पेट्रोल आणि डिझेलच्या दरात प्रत्येकी तीन रुपयांची वाढ केली होती. त्यावेळी दिल्लीत पेट्रोल ९४.७७ रुपयांवरून ९७.७७ रुपये प्रति लिटर, तर डिझेल ८७.६७ रुपयांवरून ९०.६७ रुपये प्रति लिटर झाले होते..Petrol Diesel Price Hike: सर्वसामान्यांचे आर्थिक गणित कोलमडले! पेट्रोल, डिझेल दरात अवघ्या पाच दिवसांत दुसऱ्यांदा वाढ.पश्चिम आशियातील संघर्षामुळे निर्माण झालेल्या ऊर्जा संकटाच्या पार्श्वभूमीवर ही दरवाढ होत असल्याचे मानले जात आहे. होर्मूझ सामुद्रधुनीतील तणावामुळे जागतिक इंधन पुरवठ्यावर परिणाम झाला असून ब्रेंट क्रूडचे दर १०० डॉलर प्रति बॅरलच्या पुढे कायम आहेत. अमेरिका-इस्रायल आणि इराण यांच्यातील युद्धामुळे परिस्थिती अधिक गंभीर बनली आहे..दरम्यान, भारतात इंधनाचा कोणताही तुटवडा नसून देशाकडे पुरेसा ऊर्जा साठा उपलब्ध असल्याचा दावा केंद्र सरकारने केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
