Pune News: कापूस उत्पादक संकटात असतानाच कापसावरील आयातशुल्क कायमस्वरूपी काढून टाकण्याची मागणी उद्योगांनी केली आहे. कापड उद्यागोला महाग कापूस खरेदी करावा लागत आहे. हमीभावाने खरेदी करून सरकार शेतकऱ्यांना दिलासा देत आहे, आता स्वस्त कापूस आयात करून उद्योगांना दिलासा द्यावा, अशी मागणी कॉटन असोसिएशन ऑफ इंडिया (सीएआय)चे अध्यक्ष विनय कोटक यांनी केली आहे..अमेरिकेने भारताच्या कापडावर शुल्क लावल्यानंतर केंद्र सरकारने ऑगस्ट महिन्यात कापूस आयातीवरील ११ टक्के शुल्क काढले होते. एकदा मुदतवाढ देऊन ३१ डिसेंबर २०२५ पर्यंत शुल्कमुक्त आयातीला परवानगी दिलेली आहे. परंतु ३१ डिसेंबरनंतरही आयात शुल्क काढून टाकावे, अशी मागणी कोटक यांनी केली आहे. ‘‘अमेरिकेचे आयात शुल्क आणि युरोपातील कमी मागणीमुळे भारतातील कापड उद्योग सध्या संकटातून जात आहे,’’ असे कोटक यांनी म्हटले आहे..Cotton Import Duty: कापूस उत्पादकांच्या अस्तित्वावर घाला.‘‘देशातील कमी उत्पादन आणि सरकारने वाढवलेला हमीभाव यामुळे सध्या देशात कापसाचे भाव जागतिक पातळीवर जास्त आहेत. इतर देशांमध्ये कापूस स्वस्त आहे. त्यामुळे देशातील कापड उद्योगाला बांगलादेश, व्हिएतनाम, पाकिस्तानसह इतर देशांच्या कापडाबरोबर स्पर्धा करणे शक्य होत नाही. सरकारने ११ टक्के शुल्क लागू केले तर देशातील कापड उद्योग देशोधडीला लागेल. शुल्क लागू केले नाही तर देशातील उद्योगांनाही स्वस्त कापूस मिळेल आणि स्पर्धा करणे शक्य होईल,’’ असे कोटक यांनी म्हटले आहे..Cotton Import Duty : कापूस उत्पादकांची चिंता वाढणार; सीसीआय करतेय कापसाचे भाव कमी.‘पुरेसा कापूस उपलब्ध’सरकारने ३१ डिसेंबरपर्यंत कापसाची आयात खुली केल्याने विक्रमी आयातीचा अंदाज आहे. सीएआयने यंदा ५० लाख गाठी आयातीची शक्यता व्यक्त केली आहे. तर देशातील उत्पादन ३०९.५० लाख गाठी असल्याचाही अंदाज व्यक्त करण्यात आला. मागील हंगामातील जवळपास ६०.५९ लाख गाठी कापूस शिल्लक आहे. म्हणजेच देशात एकूण ४२० लाख गाठी कापूस उपलब्ध होणार आहे..त्यापैकी देशातील वापर २९५ लाख गाठी आणि निर्यात १८ लाख गाठी, असा ३१३ लाख गाठींचा वापर होईल. म्हणजेच १०७ लाख गाठी कापूस अतिरिक्त असेल, हा असोसिएशनचाच अंदाज आहे. मग जास्त आयात करून किती भाव कमी होतील आणि उद्योगांना किती दिलासा मिळेल, हे नक्की सांगत येत नाही. मात्र देशात शिल्लक साठा वाढून पुढील हंगामात कापूस बाजारावर दबाव राहील, असा अंदाज अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
