Jalgaon News: लहरी हवामानामुळे पीकखराबी, नुकसानीत वाढ, लागवडीत घट यासारख्या कारणांमुळे वाढलेल्या अस्थिरतेच्या भावनेतून शेतकऱ्यांनी पपई रोपखरेदीकडे पाठ वळवली आहे. यातून नोव्हेंबर ते जानेवारी या कालावधीत आगाप पपई लागवड कमी होणार असल्याचे चित्र निर्माण झाले आहे. .खानदेशात लहरी हवामानामुळे पपई पीक खराब होत आहे. याचा शेतकऱ्यांना आर्थिक फटका बसत आहे. यामुळे अनेक जण लागवड टाळत आहेत. त्यामुळे नवीन लागवडीसाठी (वर्ष २०२५-२६) मागणी कमी व पुरवठा जास्त असे समीकरण तयार झाल्याने पपई रोपांचे दर घसरले आहेत..Papaya Price: खानदेशात पपई दर २० ते २५ रुपये किलो.मागील लागवडीच्या (२०२४-२५) वेळी पपई रोपांचे दर नोव्हेंबर ते जानेवारी या कालावधीत प्रतिरोप १३ ते १७ रुपये होते. या दरात रोपे शेतकऱ्यांना जागेवर पोच मिळत होते. त्यावेळी अनेक पपई रोपे निर्मात्यांनी रोपांच्या दरात वाढ केली होती..कारण, ऑक्टोबरमध्ये पपईला जागेवर किंवा शिवार खरेदीत ३० ते ३२ रुपये प्रतिकिलोचा दर मिळाला होता. नोव्हेंबरमध्येही जागेवर २८ ते २२ रुपये प्रतिकिलोचा दर मिळाला. यामुळे या कालावधीत आगाप पपई लागवडीकडे अनेकांचा ओढा होता..Papaya Rate: पपई दराचा खानदेशात तिढा.खानदेशात यंदा किंवा २०२५-२६ च्या हंगामात पपईखालील क्षेत्र कमी होईल किंवा स्थिर राहील, असा अंदाज जाणकारांकडून वर्तवण्यात येत आहे. आगाप पपई लागवड खानदेशात नोव्हेंबर ते जानेवारी या कालावधीत केली जाते, तर हंगामी लागवड फेब्रुवारीनंतर मे अखेरपर्यंत सुरू असते..वाणासाठी ‘१५ नंबर’ला पसंतीसध्या १५ नंबर वाणाची पपई रोपे ९ ते १२ रुपये या दरात पोच मिळत आहेत. या रोपांची मागणी अधिक असते. कारण, या वाणाच्या पपई पिकात रोगराई कमी असते. उत्पादनही बरे येते, असा शेतकऱ्यांचा अनुभव आहे. या रोपांचा पुरवठा धाराशीव, जालना, नाशिक, छत्रपती संभाजीनगर, जळगाव व धुळे जिल्ह्यातील विविध रोपवाटिकाचालक करीत आहेत.. तसेच, ७८६ वाणाच्या पपई रोपांना उठाव कमी आहे. या वाणाचे पीक रोगराईला बळी पडण्याचा धोका अधिक असतो. या वाणात उत्पादन चांगले येते, पण रोगराईमुळे खर्च अधिक असतो. त्यामुळे तुलनेत ७८६ वाणाची लागवड कमी केली जाते, असे शेतकऱ्यांचे म्हणणे आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
