Jalgaon News: खानदेशातील पपईची आवक मागील काही दिवसांपासून रखडत सुरू आहे. सध्या शेतकऱ्यांना पपई दर जागेवर किंवा शिवार खरेदीत २० ते २५ रुपये प्रतिकिलो असे मिळत आहेत. पपईची मागणी चांगली आहे पण पावसाचा फटका बसल्याने आवक कमीच आहे..मागील हंगामात ऑक्टोबरमध्ये जळगाव, धुळे व नंदुरबारमध्ये मिळून रोज ३० ते ३२ ट्रक (एक ट्रक १२ टन क्षमता) पपईची आवक होती. पण यंदा या महिन्यातील आवक जेमतेम पाच ते सात ट्रक एवढीच आहे. पावसाने पपईला फटका बसला. तसेच रोगराईदेखील वाढल्याची स्थिती आहे. आवक कमी व मागणी कायम यामुळे दरात सुधारणा दिसत आहे..Papaya Rate: खानदेशात पपई १५ ते १७ रुपये प्रतिकिलो.आवकेत वाढ नाहीमहिन्यातही आवकेत वाढ झालेली नाही. कारण पपई पक्व होण्याची क्रिया गतीने सुरू नाही. खानदेशात उन्हाळ्यात पपईची आवक कमी होते. ही आवक पुढे ऑगस्टनंतर सुरू होते. ऑगस्ट, सप्टेंबरमध्ये आवक कमी होती. ती अजूनही वाढलेली नाही. दर स्थिर आहेत. मध्यंतरी दर १५ ते २० रुपये प्रति किलो होते..Papaya Cultivation: पपई लागवडीला दसरा सणाला सुरवात शक्य.पण त्यात अलीकडच्या काही दिवसांत सुधारणा झाली आहे. पपईची आवक आता डिसेंबरमध्येच वाढेल असेही जाणकार सांगत आहेत. कारण पपई फारशी काढणीवर नाही. अनेक बागांत पपईला फळे कमी लगडली आहेत. फळे खराब होण्याची समस्याही आहे..उत्तरेकडूनही मागणीउत्तरेकडील पंजाब, हरियाना, राजस्थान, दिल्ली, काश्मीर आदी भागांत खानदेशातून पपईची पाठवणूक केली जाते. मागील १० ते १२ दिवसांपासून उत्तरेकडे पाठवणूक रखडत सुरू आहे. कारण आवक कमी आहे. राज्यात नागपूर, मुंबई येथेही काही प्रमाणात पपईची पाठवणूक अधूनमधून केली जाते, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
