Jalgaon News: खानदेशात पपईला सध्या जागेवर किंवा शिवार खरेदीत प्रति किलो १३ ते १६ रुपये दर मिळत आहे. नोव्हेंबर व डिसेंबर २०२५ मध्ये दर कमी होते. जागेवर पाच ते सात रुपये प्रति किलोचा दर होता. .पपईची आवकही अल्प किंवा कमीच आहे. खानदेशात सर्वाधिक साडेपाच हजार हेक्टरवर पपई लागवड करणाऱ्या नंदुरबार जिल्ह्यात रोगराई व मध्यंतरी घसरलेल्या दरांमुळे पपईचे पीक शेतकऱ्यांनी काढले. पपईखालील मोठे क्षेत्र डिसेंबर व जानेवारीत रिकामे झाले. डिसेंबरमध्ये पपईची मागणी नव्हती. सध्या पपईला प्रति किलो १३ ते १६ रुपये दर शिवार खरेदीत मिळत आहे..Papaya Price: खानदेशात पपईदर स्थिर कमी दरांमुळे शेतकरी नाराज.उत्तरेकडे पाठवणूकसध्या प्रतिदिन १५ ते १६ ट्रक (एक ट्रक १६ टन क्षमता) एवढी आवक होत आहे. नंदुरबारमधील काही भागात तसेच धुळ्यातील शिरपूर, जळगाव जिल्ह्यातील चोपडा, यावल व जामनेर भागांत आवक होत आहे..Papaya Farming: पपई लागवडीस खानदेशात गती; शहाद्यातील क्षेत्र कमीच.कमी दर्जाच्या पपईचे दर १० ते १२ रुपये प्रति किलो, असे आहेत. सध्या दर्जेदार पपई सर्वत्र उपलब्ध आहे. पपईची पाठवणूक पंजाब, दिल्ली, उत्तर प्रदेश, हरियाना, राजस्थान येथे करण्यात येत आहे..नंदुरबारातील शहादा, धुळ्यातील शिरपूर, मध्य प्रदेशातील बऱ्हाणपूर येथील एजंट पपईची पाठवणूक अन्य राज्यांत करीत आहेत. पपईची आवक खानदेशात पुढेही कमीच राहील, असे सांगितले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.