Jalgaon News: खानदेशात पपईची सध्या रोज १२ ते १३ ट्रक (एक ट्रक १६ टन क्षमता) पपईची आवक असून, चार ते सहा रुपये प्रति किलोचा दर शेतकऱ्यांना जागेवर किंवा शिवार खरेदीत मिळत आहे. सद्यःस्थितीत आवक कमीच आहे. शेतकऱ्यांना कमी दर दिले जात असून, चांगला दर जागेवर किंवा शिवार खरेदीत मिळावा, अशी मागणी केली जात आहे. .पपईची काढणी ऑगस्टमध्ये गती घेते. जुलैत काढणीला काही भागात सुरुवात झाली होती. नंदुरबार जिल्ह्यात सर्वाधिक सुमारे साडेसात हजार हेक्टरवर पपई आहे. त्यात शहादा तालुक्यात साडेपाच हजार हेक्टर एवढे पपईचे क्षेत्र आहे..Papaya Farming: पपई पीक काढून क्षेत्र रिकामे करण्यास सुरुवात.पपईची लागवड धुळ्यातील शिरपूर, जळगावमधील यावल, चोपडा, जामनेर, मुक्ताईनगर, रावेर भागातही झाली आहे. आवक मागील दोन महिने कमी आहे. मागील हंगामात काढणीला ऑगस्टच्या मध्यानंतर सुरुवात झाली होती. सप्टेंबरअखेरीस काढणीला गती आली होती. त्या वेळेस शिवार खरेदीत किंवा थेट जागेवर ३० ते ३५ रुपये प्रति किलोचे दर मिळाले. .Papaya Rate: पपई दराचा खानदेशात तिढा.नंतर २५ रुपये व सध्या १८ ते २० रुपये प्रति किलोचा दर होता. यंदा सुरुवातीपासून पपईचे दर कमी आहेत. मध्यंतरी सात ते नऊ रुपये दर होते. त्यात मागील पंधरवड्यात घट झाली. पपई उत्पादन कमी असताना दर कमी असल्याने शेतकरी नाराज आहेत..उत्पादन खर्चानुसार हवा दरपण सध्या आवक कमी असतानाही कमी दर पपईस मिळत आहे. उत्पादन खर्चानुसार हा दर परवडत नसल्याची स्थिती आहे. कारण पपईला जेवढा खर्च लागला, तेवढे दर नाहीत, असे चित्र आहे. सध्या किमान १४ ते १५ रुपये प्रति किलोचा दर जागेवर मिळावा, अशी मागणी आहे. सध्या उत्तरेसह राज्यात पपईस मागणी आहे. थंडीत मागणी वाढते. पपई आरोग्यदायी फळ आहे. पपई दर जूनमध्येही कमीच होते. जुलैनंतरही दरवाढ झाली नाही. आवक कमी असताना कमी दर का, असा मुद्दा उपस्थित केला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
