Nagpur News: संत्रा फळांना सरकसट ३५०० रुपये तर प्रतवारी केलेल्या मालास ५००० रुपये क्विंटलचा दर मिळत असल्याची माहिती नवअनंत शेतकरी उत्पादक कंपनीचे संचालक राकेश मानकर यांनी दिली..कळमना बाजारात सध्या संत्रा फळांची आवक अवघी ४५ ते ५० क्विंटलच्या घरात आहे. यातील चांगल्या प्रतिच्या फळांची आवक जेमतेम १० क्विंटल असल्याचे सांगितले जाते. सध्या या फळांना २२०० ते २५०० रुपये क्विंटलचा दर मिळत आहे. त्यानंतर दुय्यम प्रतिच्या फळांची आवक ४ क्विंटलची झाली. २००० ते २४०० असा दर याला मिळाला. तिसऱ्या प्रतिच्या फळांची आवक २ क्विंटलची होत १२०० ते १४०० रुपये क्विंटल असा दर याला होता, अशी माहिती व्यापारी सूत्रांकडून देण्यात आली..Orange Farmers: संत्रा बागायतदारांना आर्थिक मदत द्या .मृग आणि आंबिया हंगामात संत्रा फळांचे उत्पादन होते. सध्या आंबिया बहाराची सुरुवात झाली असून ऑक्टोबर ते १५ नोव्हेंबर पर्यंतच्या कालावधीपर्यंत या हंगामातील फळे मिळतात. आंबियात पहिल्या टप्प्यात मिळणाऱ्या हलक्या हिरव्या रंगाच्या तसेच आंबट गोड चवीच्या संत्रा फळांना दक्षिण भारत तसेच केरळ मधून मागणी राहते. परिणामी दर तेजीत येतात, अशी माहिती आहे..Orange Price: यंदाच्या हंगामात आंबिया बहरातील संत्रा खाणार भाव.पश्चिम बंगालमध्ये दुर्गापूजेचे मोठे महत्त्व आहे. पुजेकामी विविध प्रकारच्या फळांचा वापर होतो. त्यामध्ये संत्र्याचा देखील समावेश आहे. त्यातूनच फळांना मागणी राहते व दर तेजीत येतात. यंदा मात्र फळांची अपेक्षित आवक नसताना दुर्गापूजा उत्सव १५ दिवस आधीच आला आहे. त्याचाही परिणाम बाजारात येणाऱ्या फळांच्या दरावर होईल, अशी भीती राकेश मानकर यांनी व्यक्त केली. .हंगामाच्या सुरुवातीला ६४०० रुपये क्विंटल असाही दर काहींना मिळाला. आता ४५०० ते ५००० रुपयांनी संत्र्याचे व्यवहार होत आहेत. फळगळतीमुळे संत्र्याची उत्पादकता कमी झाल्याने दरात सुधारणा आहे. परिणामी अनिश्चितता राहत सातत्याने चढउतार होतात. श्रीधर ठाकरे, कार्यकारी संचालक, महाऑरेंज.आंबिया हंगामातील फळांची जेमतेम तोड सुरू आहे. अशातच यंदा गणपती, महालक्ष्मी, नवरात्री, दिवाळीसह सर्वच सण १५ दिवस आधीच आले आहेत. त्यामुळे संत्रा फळांना मागणी असली तरी आवक कमी आहे. त्याचा परिणाम सुरुवातीला दरातील तेजीतून दिसला. आता मात्र सरसकट ३५०० रुपये तर छाटणी (प्रतवारी) केलेल्या मालास ५००० रुपये क्विंटलचा दर मिळत आहे.राकेश मानकर, संचालक, नव अनंत शेतकरी उत्पादक कंपनी, म्हसेपठार,.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
