Amravati News: फळगळती, कमी दर या कारणामुळे आधीच मेटाकुटीस आलेल्या संत्रा बागायतदारांचे व्यापाऱ्यांकडूनही शोषण होत आहे. वरुड तालुक्यात अनेक वर्षांपासून दहा टनांमागे एक क्विंटल काट घेत शेतकऱ्यांची ही लूट होत असताना बाजार समिती प्रशासनाकडून यावर नियंत्रणासाठी कोणतेच प्रयत्न होत नसल्याचे चित्र आहे. .राज्यात सुमारे दीड लाख, तर एकट्या विदर्भात सव्वा लाख आणि त्यातील एक लाख हेक्टर संत्रा लागवड क्षेत्र हे अमरावतीच्या वरुड, मोर्शी या दोन तालुक्यांतच आहे. एकूण लागवड क्षेत्रातून आंबिया आणि मृग बहर मिळून दहा लाख टनांचे उत्पादन होते. यंदाच्या हंगामात सुरुवातीला अधिक तापमान त्यानंतर पावसाची संततधार या दोन्हींचा फटका बसत मोठ्या प्रमाणावर फळगळ झाली..Orange Orchard: संत्र्याची फळगळ थांबवा; एकात्मिक व्यवस्थापनाच्या सोप्या उपाययोजना.७० टक्के नुकसान फळगळतीमुळे झाल्याचा अंदाज आहे. यामुळे बाजारात संत्रा फळांची आवक कमी होईल आणि किरकोळ बाजार तेजीत राहील, अशी शक्यता होती. परंतु देशाच्या इतर भागांत पाऊस असल्याने संत्र्याला मागणी नव्हती. परिणामी, दर दबावात आले, सध्या २८ ते ३५ हजार रुपये प्रति टन या दराने संत्र्याचे व्यवहार होत आहेत..Orange Farmers: संत्रा बागांचे पंचनामे करा, नुकसान भरपाई द्या .ही स्थिती असताना बाजार समिती प्रशासनाच्या मूक संमतीने दहा टनांमागे एक क्विंटल काट घेत व्यापाऱ्यांकडून शेतकऱ्यांचे शोषण होत आहे. बाजार समितीबाहेरील व्यवहार नियमनमुक्त असल्याचे सांगत बाजार समितीकडून पळवाट शोधली जात असली तरी बाजार परिसरातील व्यवहारांचे काय, असा सवाल शेतकरी करीत आहेत..पायबंद घालण्याची संत्रा उत्पादकांची मागणीवरुड तालुक्यात २२ हजार हेक्टरवर संत्रा लागवड आहे. या भागात व्यापारी थेट सौदे करतात त्याबरोबरच बाजार समितीतदेखील संत्र्याची आवक होते. या वेळी अलिखित करारानुसार दहा टनांवर तोटी, वायभार (वेडीवाकडी फळे), कोळशीग्रस्त फळे अशा सबबीखाली व्यापारी दहा टनांमागे एक क्विंटल अधिक फळे मोफत घेतात. सरासरी दहा ते १५ टक्के फळे निःशुल्क घेण्याचा प्रघात आहे, त्यावर पायबंद घातला जावा, अशी मागणी संत्रा उत्पादक करीत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
