Ahilyanagar News : ‘‘कांद्याचा उत्पादन खर्च हा सर्वांत महत्त्वाचा घटक असून, कांदाप्रश्नी सरकारी धोरण निश्चित करताना शास्त्रीय पद्धतीने नेमका उत्पादन खर्च निश्चित करून शासनाला ठोस शिफारशी करण्यात येतील, अशी माहिती कांदा धोरण समिती आणि राज्य कृषी मूल्य आयोगाचे अध्यक्ष पाशा पटेल यांनी दिली..कांदाप्रश्नी राज्य सरकारने नेमलेल्या श्री. पटेल यांच्या समितीची चौथी बैठक मंगळवारी (ता. ३०) महात्मा फुले कृषी विद्यापीठाच्या प्रक्षेत्रामध्ये पार पडली. बैठकीला समिती सदस्यांसह कृषी विद्यापीठातील कांदा संशोधनावर काम करणारे अधिकारी, पीक उत्पादन खर्च योजनेचे अधिकारी, विविध जिल्ह्यांतील १५ कांदा उत्पादक शेतकरी प्रतिनिधी उपस्थित होते. .Onion Inspection: अतिवृष्टीच्या नुकसानीमुळे कांदा उपलब्धतेची केंद्राला चिंता.बैठकीमध्ये सुरुवातीलाच कांदा पिकातील संशोधन, लागवड पद्धतीतील तंत्रज्ञान, उत्पादकता वाढीबाबत महात्मा फुले कृषी विद्यापीठाने तसेच इतर कृषी संशोधन संस्थांनी केलेले संशोधन, लागवड पद्धतीबाबत कांदा पैदासकार डॉ. बी. टी. पाटील यांनी माहिती दिली. श्री. पटेल यांनी प्रति हेक्टरी कांदा उत्पादनासाठी येणाऱ्या खर्चाबाबत माहिती दिली. .Onion Prices: कर्नाटकात कांद्याचे भाव गडगडले, हमीभाव देण्याची मागणी.कृषी विद्यापीठाच्या पीक उत्पादन खर्च योजनेचे प्रमुख डॉ. रोहित निरगुडे यांनी समिती सदस्य आणि शेतकऱ्यांसमोर पीक उत्पादन खर्चाबाबत सादरीकरण केले. शेतकऱ्यांनी मांडलेल्या उत्पादन खर्च आणि शासनाच्या योजनेअंतर्गत विविध प्रक्षेत्रावर नमुना पद्धतीने नोंदी केलेला कांदा उत्पादन खर्च यावर या वेळी तुलनात्मक चर्चा झाली..शेतकऱ्यांचा वाढीव उत्पादन खर्च हा अतिरिक्त खते आणि कीटकनाशकांचा वापर केल्यामुळे होत असल्याचे, कांदा लसूण संशोधन केंद्राचे प्रमुख शास्त्रज्ञ डॉ. थंगा स्वामी यांनी शेतकऱ्यांना सहप्रमाण दाखविले. उत्पादन खर्च कमी करणे तसेच नेमका उत्पादन खर्च काढण्यासाठी आवश्यक बाबींवर योग्य शिफारशी कराव्यात, अशी मागणी या वेळी करण्यात आली. .शेतीमध्ये जास्तीत जास्त यांत्रिकीकरणाचा वापर तसेच वाढत चाललेल्या मजुरी खर्चाची समितीने दखल घेऊन पीक उत्पादन खर्चात त्याचा समावेश करावा, अशी सूचना शेतकऱ्यांनी या वेळी केली. उत्पादन खर्च कमी करण्यासाठी उपाययोजनांवर चर्चा झाली व यात प्रामुख्याने कांदा लागवडीसाठी लागवड यंत्राची गरज असल्याचे नमूद करण्यात आले. या वेळी डॉ. रोहित निरगुडे यांनी, कांदा उत्पादन खर्च व शेतकऱ्यांना योग्य मोबदला मिळवून देण्यासाठी आवश्यक बाबींसंदर्भात सादरीकरण केले. महाराष्ट्र राज्य पणन मंडळाचे व्यवस्थापक सुहास काळे यांनी सूत्रसंचालन केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
