Ahilyanagar News: अहिल्यानगर येथील दादा पाटील शेळके कृषी उत्पन्न बाजार समितीच्या नेप्ती उपबाजार समितीत सोमवारी (ता. ३) गावरान कांद्याला ३५० रुपयांपासून ते १९०० पर्यंत प्रती क्विंटलला दर मिळाला आहे. .गावरान कांद्याची आवकेत वाढ झाली आहे. तर, लाल कांद्याचीही आवक होत असल्याचे बाजार समितीतून सांगण्यात आहे.दराच्या आशेने चाळीत साठवून ठेवलेला कांदा खराब होत असल्याने बाजारात आवक वाढल्याचे सांगितले जात आहे. नेप्ती उपबाजारात सोमवार, गुरुवार व शनिवारी कांद्याचे लिलाव होत असतात..Cotton Market : कपास किसान अॅपवर नोंदणी केलेल्या शेतकऱ्यांची पडताळणी ठप्प.जिल्ह्यात सध्या पाऊस सुरू असल्याने गावरान कांदा मोठ्या प्रमाणात खराब होत आहे. त्यामुळे शेतकरी आता कांदा विक्रीस आणत आहेत. सोमवारी एक लाख ७ हजार ११६ गोणींची आवक झाली. ही या हंगामातील कांद्याची विक्रमी आवक आहे. अहिल्यानगर, श्रीगोंदे, राहुरी, नेवासे, कर्जत, पारनेर आदी तालुक्यांतून लाल व गावरान कांद्याची आवक झाली..यामध्ये गावरान कांद्याची १ लाख ६ हजार ६६६, तर लाल कांद्याच्या ४५० गोण्यांची आवक झाली. गावरान कांद्याला कमीत कमी ३५० ते जास्तीत जास्त १९०० रुपये प्रतिक्विंटलला दर मिळाला. लाल कांद्याला कमीत कमी १५० ते जास्तीत जास्त १२०० रुपये दर मिळाला..Cotton Cultivation: मजूर समस्येमुळे तमिळनाडूत कापूस लागवड क्षेत्र घटले.आंध्र, तमीळनाडू, कर्नाटक आदी राज्यांतून कांद्याला मागणी आहे. बाहेरील राज्यातही कांदा निघण्यास सुरुवात झालेली आहे. परंतु तेथीलही कांदा खराब बाजारात विक्रीस येत आहे. आगामी काळात कांद्याला चांगला भाव मिळण्याची शक्यता सचिव अभय भिसे यांनी व्यक्त केली..एक नंबर कांद्याला १५०० ते १९०० रुपये दरसोमवारी गावरान एक नंबर कांद्याला १५०० ते १९०० रुपये व लाल कांद्याला ९०० ते १२०० रुपये, गावरान दोन नंबर कांद्याला ११०० ते १५०० व लाल कांद्याला ६०० ते ९००, गावरान तीन नंबर कांद्याला ६०० ते ११०० व लाल कांद्याला ३५० ते ६०० व गावरान चार नंबर कांद्याला ३५० ते ६०० व लाल कांद्याला १५० ते ३५० रुपये दर मिळाला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
