Nashik News : नैसर्गिक आपत्तीतून वाचवलेला खरीप व लेट खरिपातील लाल कांदा शेतकऱ्यांच्या डोळ्यांत पाणी आणत आहे. राज्यातील बाजार समित्यांमध्ये एकाचवेळी आवक वाढल्याने दरात मोठी घसरण झाली आहे. उत्पादन खर्चाच्या तुलनेत मिळणारा दर अत्यंत कमी असल्याने कांदा उत्पादक शेतकरी पुन्हा एकदा दुहेरी संकटात सापडला आहे. .यंदाचा हंगाम सुरुवातीपासूनच आव्हानात्मक राहिला. अतिवृष्टी आणि मॉन्सूनोत्तर पावसामुळे कांदा लागवडीचे नियोजन कोलमडले. रोपे सडण्यापासून ते विविध कीड-रोगांपर्यंत अनेक संकटांचा सामना करत शेतकऱ्यांनी पीक वाचवले. त्यातच दुबार रोपवाटिका, पान ४ वर.Onion Cultivation: खानदेशात कांदा लागवड रखडली.घसरणीची प्रमुख कारणेउन्हाळ कांद्याची साठवणूक संपल्याने आणि लाल कांद्याची काढणी एकाच वेळी सुरू होऊन बाजार समित्यांमध्ये आवकेत वाढदेशांतर्गत बाजारपेठेत उठाव कमी असून, आंतरराष्ट्रीय पातळीवरही निर्यातीचे धोरण पोषक नसल्याने मागणी थंडावली.मजुरी, खते आणि कीटकनाशकांच्या किमती वाढल्याने उत्पादन खर्च ३५ टक्क्यांनी वाढला. मात्र आता कांदा बाजारात विक्रीसाठी आल्यावर मिळणाऱ्या दरामुळे शेतकऱ्यांच्या पदरी निराशा आहे..८०० ते ११०० रुपये दर तोट्याचा ठरत कांदा बाजारपेठांमध्ये सध्या ‘आवक भरपूर, पण भाव मंदीत’ असे चित्र आहे. गुरुवारी (ता.५) सोलापूर बाजार समितीत सर्वाधिक ४१,९३३ क्विंटल आवक झाली, मात्र तेथील सरासरी दर राज्यात सर्वांत कमी म्हणजे ८०० रुपये आहे. नाशिक जिल्ह्यात उमराणे, विंचूर, लासलगाव, पिंपळगाव बसवंत, मुंगसे, चांदवड, येवला यांसह अहिल्यानगर जिल्ह्यातील पारनेर, घोडेगाव बाजार आवारात आवकेचा दबाव वाढला आहे. .पारनेरमध्ये बुधवारी (ता.४) सर्वाधिक सरासरी १२०० रुपये दर मिळाला, तर सोलापूर आणि घोडेगाव येथे तो १००० रुपयांच्या खाली आहे. सोलापूरमध्ये किमान १००, येवला व देवळा रुपये येथील किमान दर १५० पाहता, बाजारात मोठी घसरण होत असल्याचे स्पष्ट होते. एकीकडे शेतकऱ्यांचा उत्पादन खर्च ३५ टक्क्यांनी वाढलेला असताना, सरासरी मिळणारा ८०० ते ११०० रुपये दर हा तोट्याचा ठरत आहे..Onion Price Crash 2026: लाल कांद्याची आवक वाढल्याने दर दबावात.देशात व कांदा उत्पादक पट्ट्यात अतिरिक्त उपलब्धतापिंपळगाव बसवंत (जि. नाशिक) येथील कांदा व्यापारी विजय बाफना यांनी ‘ॲग्रोवन’शी बोलताना सांगितले, की नाशिक जिल्ह्यात सर्वाधिक उत्पादन असते. सर्वधारणपणे उत्तर आणि पूर्व भारतात कांदा पाठवला जातो. मात्र यंदाची स्थिती वेगळी आहे. कर्नाटक आणि आंध्र प्रदेशसह, मध्य प्रदेशमध्येही कांद्याचे उत्पादन अतिरिक्त आहे. येथे कांद्याची मुबलकता असल्याने महाराष्ट्रातील कांद्याला मागणी कमी झाली आहे. महाराष्ट्रात नाशिकसोबतच पुणे, नगर आणि सोलापूर पट्ट्यांतही आवक वाढल्याने दरावर दबाव निर्माण झाला आहे. एकाचवेळी वाढलेल्या आवकेमुळे कांद्याची बाजारपेठ कमालीचा दबावाखाली आहे..बाजार समित्यांमधील स्थिती :(सरासरी दर रु./क्विंटल) : ५ फेब्रुवारीबाजार समिती आवक (क्विंटल) किमान कमाल सरासरीसोलापूर ४१९३३ १०० २१०० ८००उमराणे ३०००० ५०० १३५० ९९०पुणे १६२४७ ४०० १५०० ९५०लासलगाव २८८०० ५०० १३५६ ११००पिंपळगाव बसवंत २१००० ३०० १४५२ १०००देवळा ७२९० १५० ११७५ १०२०येवला १६००० १५० १३०१ ९७५.अंदरसूल (येवला) ४००० ३०० ११५२ ९५१विंचूर (लासलगाव) .२५००० ४०० १३५६ ११००मुंगसे (मालेगाव) १७५०० ४०० १३७७ १०७५चांदवड १८०२० २०० १२७० १०६०मनमाड १०००० २०० १३०२ १०००नामपूर ७५०० १५५ ११७५ ९००सटाणा ८५०० ३७० १२६० १०१०कळवण ५४०० ४०० १३८५ १०००पारनेर २६६८६ २०० १६०० १२००घोडेगाव १५१९१ ३०० १४०० ९००.पूर्वीच्या तुलनेत उत्पादन खर्चात तब्बल ३५ टक्के अतिरिक्त वाढ झाली आहे. इतका खर्च करूनही आता बाजारात कांदा विकताना उत्पादन खर्चही वसूल होत नाही. त्यामुळे सध्याची परिस्थिती शेतकऱ्यांसाठी अत्यंत तोट्याची ठरत आहे. अमोल गागरे, कांदा उत्पादक शेतकरी, वागदर्डी, ता. चांदवड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
