Akola News: नववर्षाची सुरुवात केळी उत्पादक शेतकऱ्यांसाठी दिलासादायक ठरत असल्याचे चित्र जिल्ह्यात पाहायला मिळत आहे. वर्षाच्या सुरुवातीलाच केळीची थेट निर्यात सुरू झाल्याने शेतकऱ्यांना स्थानिक बाजारपेठेपेक्षा चांगला दर मिळू लागला आहे. .सोमवारी (ता. १९) तेल्हारा तालुक्यातील तळेगाव बुद्रुक येथील प्रयोगशील शेतकरी विलास खारोडे यांच्या केळीला प्रति क्विंटल १,५०० रुपये दर मिळाला असून, ही केळी निर्यातदाराच्या माध्यमातून इराणसाठी रवाना झाली आहे..Banana Export: खानदेशात निर्यातक्षम केळीचा पुरवठा कमी.विलास खारोडे यांनी केळी पिकाची लागवड ते काढणीपर्यंत अत्यंत शिस्तबद्ध व्यवस्थापन केले होते. योग्य जातीची निवड, संतुलित खत व्यवस्थापन, रोग व कीड नियंत्रण, तसेच वेळेवर पाणी व्यवस्थापन यामुळे त्यांचे केळी पीक पूर्णतः निर्यातक्षम बनले..Banana Cultivation: केळी लागवडीसाठी कंदांना मागणी.काढणीनंतर घडांची स्वच्छता करून दर्जेदार बॉक्स पॅकिंग करण्यात आले. सुमारे १,५०० क्विंटल केळी ट्रकद्वारे प्रथम दिल्ली येथे पाठविण्यात आली असून, तेथून कंटेनरद्वारे इराणकडे निर्यात करण्यात येत आहे..चांगले उत्पादन व दर्जेदार मालामुळे मिळालेल्या यशाबद्दल तेल्हारा तालुक्याचे कृषी अधिकारी शुभम बुरांडे, तसेच मंडळ कृषी अधिकारी गौरव राऊत यांनी शेतात भेट देऊन खारोडे यांचे कौतुक केले. या केळी पिकाच्या परदेशी निर्यातीसाठी प्रगतिशील शेतकरी तथा बनाना महासंघाचे राष्ट्रीय समन्वयक सचिन कोरडे यांचे मार्गदर्शन लाभले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
