Sangli News: यंदाच्या हंगामातील हळदीची काढणी सुरू झाली आहे. प्रामुख्याने सांगली आणि सातारा या दोन जिल्ह्यांत शेतकरी हळदीची काढणी करू लागला आहे. विदर्भ व मराठवाड्यातील हळद काढणी फेब्रुवारीच्या मध्यापासून सुरू होईल. या नव्या हळदीला चांगले दर मिळत असल्याने शेतकऱ्यांना दिलासा मिळाला आहे. अतिवृष्टीमुळे राज्यात यंदा उत्पादनात २० टक्क्यांनी घट होईल, असा प्राथमिक अंदाज हळद संशोधन केंद्राने व्यक्त केला आहे..यंदा राज्यात मे महिन्यापासूनच सर्वदूर पाऊस सुरू होता. त्यामुळे हळदीच्या लागवडीला अडथळे निर्माण झाले होते. अशा परिस्थितीतही शेतकऱ्यांनी लागवड केली आहे. राज्यात यंदा ९२ हजार हेक्टरवर लागवड झाली असल्याचा अंदाज कसबे डिग्रज हळद संशोधन केंद्राने व्यक्त केला आहे..Turmeric Processing: हळद क्षेत्र विस्तार, प्रक्रिया, निर्यातीसाठी प्रयत्न करावेत : चौधरी.सततच्या पावसाचा फटका विदर्भ आणि मराठवाड्यातील हळदीला देखील बसला आहे. परिणामी, या पट्ट्यात हळद पिकावर कंद कुजीचा मोठा प्रादुर्भाव झाला आहे. यामुळे येथेदेखील हळदीच्या उत्पादनात घट होईल, असा अंदाज संशोधन केंद्राने व्यक्त केला आहे. तसेच, पश्चिम महाराष्ट्रातील हळद उत्पादन घेणाऱ्या जिल्ह्यांत अतिवृष्टीचा फारसा फटका पिकाला बसला नसल्याचा दावाही हळद संशोधन केंद्राने केला आहे..सांगली बाजार समितीत मागील दोन ते तीन दिवसांपूर्वी नव्या हळदीचे सौदे सुरू झाले. पहिल्या सौद्याला ६ हजार २५ पोत्यांची (एक पोतेः ५० किलो) आवक झाली होती. तर शुक्रवार (ता. ३०) २०५० पोती हळद विक्रीस आली होती. हंगामाच्या प्रारंभापासून प्रतवारीनुसार हळदीला चांगले दर मिळत आहेत. त्यामुळे शेतकऱ्यांना दिलासा मिळाला आहे. पंधरा ते वीस दिवसांनंतर हळद काढणीची गती वाढेल. त्यामुळे बाजारातही हळदीची आवक वाढेल. एकंदर हळदीची गुणवत्ता चांगली असल्याने दर चांगले राहतील, असा अंदाज व्यापारी वर्गाने व्यक्त केला आहे..Turmeric Farming: हळदीतील पानांवरील ठिपक्यांचे नियंत्रण.हळद आढावा लवकरचमसाला बोर्डामार्फत देशातील हळदीचा आढावा लवकरच घेण्यात येणार आहे. या आढावा बैठकीत प्रत्येक राज्यातील हळद संशोधन केंद्राचे अधिकारी उपस्थित असतील. यावेळी प्रत्येक राज्यातील हळद लागवड उत्पादनाचा अंदाज घेतला जाणार आहे. प्रत्येक राज्यात किती टक्क्यांनी उत्पादन कमी होईल अथवा वाढेल हे या बैठकीनंतर लक्षात येईल, असे हळद संशोधन केंद्राच्या अधिकाऱ्यांनी सांगितले..प्रतवारीनुसार हळदीचे दर (रुपये प्रति क्विंटल)कणी १४५०० ते १५५००मध्यम १६८०० ते १७५००जाड १८००० ते १९२००लगडी २१००० ते २२०००गठ्ठा १ १८००० ते १८४००गठ्ठा २ १७०००गठ्ठा ३ १६०००.देशातील इतर राज्यांतही हळदीच्या क्षेत्रात वाढ झाली आहे. इतर राज्यांतील हळद काढणी फेब्रुवारीच्या मध्यापासून सुरू होईल. यंदा देशात अतिपावसामुळे हळदीचे उत्पादन कमी होईल, असा प्राथमिक अंदाज आहे.डॉ. मनोज माळी, प्रभारी अधिकारी, हळद संशोधन केंद्र, कसबे डिग्रज, जि. सांगली.हंगामाच्या प्रारंभी चांगले दर मिळत आहेत. हळदीमध्ये आर्द्रता असल्याने नाकी लाल दिसत आहे. त्यामुळे शेतकऱ्यांनी हळद पूर्ण वाळवूनच विक्रीला आणावी.गोपाळ मर्दा, हळद व्यापारी, सांगली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
