Maharashtra Onion Market: दिवाळीच्या सुट्ट्यांनंतर जिल्ह्यातील प्रमुख कांदा बाजारपेठांमधील लिलाव सोमवारपासून (ता. १६) पूर्ववत सुरू झाले असून, उन्हाळ रब्बी कांद्याची आवक कमी होत आहे. मर्यादित आवकेमुळे नवीन खरीप कांद्याला उन्हाळ कांद्याच्या तुलनेत प्रति क्विंटल १५० ते ४०० रुपयांपर्यंत अधिक दर मिळत असल्याचे चित्र आहे. त्यामुळे सध्या बाजारपेठेत नवीन खरीप कांदा भाव खात आहे..जिल्ह्यातील लासलगाव, पिंपळगाव बसवंत, चांदवड, उमराणे, सटाणा, देवळा, मनमाड, विंचूर आणि सिन्नर या प्रमुख बाजारपेठांमध्ये कांद्याचे लिलाव सुरू झाले आहेत. नवीन खरीप कांद्याची आवक प्रामुख्याने चांदवड, देवळा, बागलाण आणि मालेगाव तालुक्यांतून होत आहे. याशिवाय शेजारच्या धुळे आणि छत्रपती संभाजीनगर जिल्ह्यांतूनही कांदा बाजारात दाखल होत आहे..सोमवारी (ता. १६) उमराणे बाजार समितीत सर्वाधिक १६ हजार ५०० क्विंटल कांद्याची आवक झाली. बाजारातील आवक आणि दरांचा विचार करता उन्हाळी कांद्याचा साठा कमी होत असताना नवीन खरीप कांद्याची आवक वाढण्यास सुरुवात झाली आहे. मात्र दुष्काळाच्या पार्श्वभूमीवर लागवडीतील विलंबामुळे बाजारात नवीन कांद्याचा पुरवठा अद्याप मर्यादित आहे. त्यातच कांद्याच्या प्रतवारीनुसार दरात मोठी तफावत दिसत आहे. त्यामुळे चांगल्या दर्जाच्या कांद्याला तुलनेने अधिक दर मिळत आहेत..Onion Price: पिंपळगाव बसवंत बाजार समितीत कांद्याला ५ हजार २२२ रुपये दर.बाजारातील स्थितीदिवाळीनंतर बाजार समित्यांमधील कांदा लिलाव पूर्ववत सुरू; बाजारातील व्यवहारांना वेग.उन्हाळी रब्बी कांद्याची आवक घटत असताना नवीन खरीप कांद्याची आवक टप्प्याटप्प्याने वाढतेय.नवीन खरीप कांद्याला उन्हाळी कांद्याच्या तुलनेत प्रति क्विंटल १५० ते ४०० रुपयांपर्यंत अधिक दर.चांदवड, देवळा, बागलाण आणि मालेगाव तालुक्यांतून नवीन कांद्याची प्रमुख आवक.उमराणे बाजार समितीत सर्वाधिक १६ हजार ५०० क्विंटल आवक; कमाल दर ५ हजार ५०१ रुपये.प्रमुख बाजारपेठांमध्ये सरासरी दर प्रति क्विंटल ३ हजार ८०० ते ४ हजार ५०० रुपयांच्या दरम्यान.प्रतवारीनुसार किमान आणि कमाल दरांत मोठी तफावत..Onion Price: कांदा निर्यातीसाठी मोठी संधी, वर्षभर किमान प्रतिक्विंटल ३ हजार दराची खात्री मिळावी, शेतकऱ्यांची मागणी .बाजार समितीनिहाय कांदा आवक व दर (ता. १६)बाजार समिती आवक (क्विंटल) किमान दर (रु.) कमाल दर (रु.) सरासरी दर (रु.)चांदवड ९,०९७ २,००५ ४,८०५ ३,७३०पिंपळगाव बसवंत ३,५८६ ८०० ५,४६६ ४,४००उमराणे १६,५०० १,५०० ५,५०१ ४,१०विंचूर(लासलगाव) ८०० २,५०० ४,६९० ४,३००सटाणा ४७५ २,३५० ४,५०० ४,३७५देवळा ३१६ २,७५० ४,७०५ ४,५००मनमाड १३८ २,७९१ ५,१५१ ३,८००सिन्नर ९० १,५०० ४,१२० ४,०००.यंदा पावसामुळे लागवडीचे गणित बिघडले. त्यामुळे कांदे टप्प्याटप्प्याने बाजारात येत आहेत. पुढील पंधरा दिवसांत कांद्याची आवक अजून थोडी वाढण्याची चिन्हे आहेत. मात्र पाण्याअभावी लागवडी जगवताना शेतकऱ्यांना मोठा संघर्ष करावा लागला आहे.नंदकुमार उशीर, कांदा उत्पादक शेतकरी धोडांबे, ता. चांदवड.यंदा लागवडी उशिराने झाल्याने आवकही दिवाळीनंतर वाढू लागली आहे. सध्या देवळा, बागलाण आणि नांदगाव तालुक्यांसह शेजारच्या धुळे व छत्रपती संभाजीनगर जिल्ह्यांतून कांद्याची आवक होत आहे. नवीन खरीप कांद्याची आवक हळूहळू वाढत असून आगामी काळात त्यात आणखी वाढ होण्याची शक्यता आहे.तुषार गायकवाड, सचिव, स्व. निवृत्तीकाका देवरे कृषी उत्पन्न बाजार समिती, उमराणे, ता. देवळा.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.