Nandurbar APMC Update: राज्यात लाल मिरचीसाठी प्रसिद्ध असलेल्या नंदुरबार बाजार समितीत ओल्या लाल मिरचीची आवक सुरू झाली आहे. आवक बऱ्यापैकी असून, ३५०० ते ६५०० रुपये प्रति क्विंटल दर मिळत आहेत..यंदा मिरची पिकाच्या उत्पादनाला अतिपावसाचा फटका बसलेला नाही. नंदुरबार जिल्ह्यात सुमारे साडेसात हजार हेक्टरवर मिरचीची लागवड आहे. तसेच गुजरातमधील तापी जिल्ह्यातील निझरसह अन्य तालुक्यांतूनही ओल्या लाल मिरचीची आवक होत आहे..Capsicum Demand Rises: ढोबळी मिरचीला परराज्यांतूनही चांगली मागणी .नंदुरबारातील कोठली, लहान शहादे, समशेरपूर, खोंडामळी, बामडोद तसेच शहादा आणि तळोदा भागात मिरचीचे पीक घेतले जाते. यंदा ओल्या लाल मिरचीची आवक काहीशी लवकर सुरू झाली आहे. उष्णता आणि पावसाचा खंड यामुळे झाडावर ओली लाल मिरची तयार होण्यास पोषक स्थिती निर्माण झाली आहे..Chilli Farming: मिरचीवर ‘भुरी’चा प्रादुर्भाव; पाने पिवळी.हिरव्या मिरचीचे दर कमीयंदा हिरव्या मिरचीचे दर कमी राहिल्याने शेतकऱ्यांना आर्थिक फटका बसला. बाजार समितीत हिरव्या मिरचीला कमाल २५ आणि किमान १५ रुपये प्रति किलो दर मिळाला. त्यामुळे काही शेतकऱ्यांनी हिरव्या मिरचीची तोडणी कमी करून ओल्या लाल मिरचीच्या उत्पादनाचे नियोजन केले. आता ओल्या लाल मिरचीचे उत्पादन हाती येत असून, दर बऱ्यापैकी मिळत आहेत..आवक ५०० क्विंटलपर्यंतदर आठवड्यात सोमवारी ओल्या लाल मिरचीची आवक अधिक असते. मागील सोमवारी (ता. १४) सुमारे ५०० क्विंटल आवक झाली. त्यानंतरही आवक सुरू असून, पुढील काळात त्यात वाढ होण्याची शक्यता आहे. सध्या कमाल दर ६५०० रुपये प्रति क्विंटलपर्यंत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
