Nashik News: सप्टेंबर महिन्यात पावसाची झड तसेच अतिवृष्टीमुळे झेंडू लागवडीचे मोठे नुकसान आहे. परिणामी यंदा मागणीच्या तुलनेत फुलांची उपलब्धता कमी असल्याचे बाजारात पाहायला मिळाले. गेल्या दोन दिवसांपासून नाशिकमध्ये फुलांची विक्री सुरू झाली. मात्र सुरुवातीला पावसाने फुले ओली असल्याने २० ते ३० रुपये किलोपर्यंत दर मिळाला. तर बुधवारी( ता. १) दुपारनंतर प्रतिकिलो ७० ते १०० रुपयांपर्यंत घाऊक बाजारात दर मिळाले. आवक कमी झाल्याने झेंडूच्या फुलांनी भाव खाल्ला..जिल्ह्यात प्रामुख्याने चांदवड, दिंडोरी, नाशिक, निफाड, सिन्नर, इगतपुरी या तालुक्यांत शेतकरी खरीप हंगामात झेंडू लागवडी करतात. दसरा व दिवाळीच्या सणाला चांगली मागणी असल्याने शेतकऱ्यांचे लागवडीचे नियोजन असते. यंदा पावसाने लागवडी खराब झाल्या. परिणामी उत्पादकता व गुणवत्तेवर मोठा परिणाम झाला. खुल्या पद्धतीच्या बांधणी नसलेल्या लागवडीमध्ये मोठ्या प्रमाणावर नुकसान आहे. तर बांधणी केलेल्या झेंडूच्या लागवडी वाचल्याने नुकसान कमी आहे. मात्र अतिवृष्टीमुळे ५० टक्क्यांवर उत्पादन घटल्याचे झेंडू उत्पादक शेतकऱ्यांनी सांगितले..Flower Market: शीतगृहात शेवंतीच्या फुलांचे मूल्यवर्धन.चांदवड कृषी उत्पन्न बाजार समितीच्या मुख्य बाजार आवारात मंगळवारी (ता. ३०) अंदाजे ३,८०० क्विंटल झेंडूच्या फुलांची आवक झाली. लाल फुलांना प्रति क्विंटल किमान ५०० ते कमाल २,५५० सरासरी १,८०० व पिवळ्या झेंडूस किमान ३०० ते कमाल ३,२०० सरासरी २,५०० रुपये दर मिळाले. तर बुधवारी (ता. १) अंदाजे ४,००० क्विंटलपर्यंत आवक झाली..लाल फुलांना प्रति क्विंटल किमान ५०० ते कमाल ३,३०० सरासरी २,१०० व पिवळ्या झेंडूस किमान ८०० ते कमाल ४,२०० सरासरी ३,००० रुपये दर मिळाले. फुले खरेदीसाठी मुंबई, कल्याण, दादर, नाशिकसह गुजरात येथील व्यापारी उपस्थित होते. शेतकऱ्यांनी येथे ट्रॅक्टरच्या ट्रेलरमधून खुल्या तसेच ट्रेमध्ये भरून फुले विक्रीसाठी आणली होती..Flower Farming Success : अभ्यासपूर्ण गुलाबशेतीतून आर्थिक स्थैर्य, समाधानही .नाशिक फूलबाजारात मंगळवारी (ता. ३०) प्रति किलो २५ ते ३० रुपये सरासरी दर मिळत होता. मात्र तुलनेत आवक कमी व गुणवत्ता सुधारल्याने बाजारात बुधवारी (ता. १) सुधारणा दिसून आली. आकार व रंग असलेल्या दर्जेदार फुलांना फुलांना ८० ते १२० रुपयांपर्यंत दर मिळाले. चांदवड तालुक्यातील शेतकऱ्यांनी मुंबई आग्रा व देवळा रस्त्यावर जागेवर विक्री केली. त्यांना प्रतिकिलो ४५ ते ५० रुपयांपर्यंत दसऱ्याच्या आदल्या दिवशी दुपारनंतर दर मिळाला..असे राहिले घाऊक बाजारातील सरासरी दर :प्रकार...३० सप्टेंबर...१ ऑक्टोबरलाल...२५ ते ३०...६० ते ८०पिवळा...३० ते ४०...८० ते १००.पावसात फुले भिजल्याने ओल्या फुलांना अपेक्षित दर नव्हता. त्यातच आवक कमी होती. सुकलेल्या फुलांना दसऱ्याच्या आदल्या दिवशी चांगले दर मिळाले. यंदा नुकसान झाल्याने उत्पादन ६० टक्क्यांपर्यंत कमी आहे. सुदाम काटे, झेंडू उत्पादक शेतकरी, मोह, ता. सिन्नर.अतिवृष्टीमुळे नाशिक परिसरातील झेंडू उत्पादक शेतकऱ्यांचे मोठे नुकसान झाले आहे. नियोजन करून चांगला माल हाती आल्यानंतर बाजारात विक्री केली. ४ ते ५ किलो वजनाचे क्रेट सरासरी ३२० ते ३६० रुपयांपर्यंत विक्री झाली.किरण बनकर, झेंडू उत्पादक शेतकरी, नाशिक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
