Pune News: अमेरिकेच्या ‘डीडीजीएस’साठी भारताने बाजारपेठ खुली केल्याचे समजताच मक्याच्या दरावरील दबाव वाढला आहे. प्रत्यक्ष आयात लगेच होणार नाही तसेच आयात कशी होणार हे स्पष्ट नसतानाही बाजारावर परिणाम झाला आहे. सध्याचा मक्याचा भाव हमीभावापेक्षा ५०० ते ६०० रुपयांनी कमी आहे..अमेरिकेत जीएम मक्याचेच मोठ्या प्रमाणात उत्पादन होते. इथेनॉलसाठी मक्याचा वापरही मोठा आहे. त्यामुळे ‘डीडीजीएस’चे (इथेनॉलसाठी मका गाळप केल्यानंतर शिल्लक चुरा किंवा अवशेष) उत्पादनही जास्त होते. ‘डीडीजीएस’ निर्यातीतही अमेरिका आघाडीवर आहे. २०२४ मध्ये अमेरिकेने जवळपास २५० लाख टन ‘डीडीजीएस’ची आंतरराष्ट्रीय बाजारात निर्यात केली होती..Ahilyanagar Maize Sowing: अहिल्यानगर जिल्ह्यात मक्याची पन्नास हजार हेक्टरवर पेरणी.अमेरिकेच्या ‘डीडीजीएस’ची गुणवत्ता चांगली आहे. दुसरीकडे देशातील उद्योग त्या गुणवत्तेचे ‘डीडीजीएस’ निर्मितीसाठी प्रयत्न करीत आहेत. देशात मागील वर्षापासून गुणवत्ता सुधारत आहे, मात्र त्या पातळीवर पोचलेली नाही..अमेरिकेच्या ‘डीडीजीएस’ची आयात होणार, ही बातमी बाहेर आल्यानंतर दर ५०० रुपयांपर्यंत कमी झाले होते. पण आयात लगेच होणार नाही. तसेच आयातीवर कोटा लागू शकतो, यामुळे मक्याच्या भावात काहीशी सुधारणा पाहायला मिळाली. सध्या मक्याचा बाजारभाव सरासरी १८०० ते दोन हजारांच्या दरम्यान पोचला आहे. तरीही सध्याचा भाव हमीभावापेक्षा ६०० रुपयांपर्यंत कमी आहे. यंदा सरकारने मक्याला २४०० रुपये हमीभाव जाहीर केला आहे..Maize Farming: गोंदिया जिल्ह्यात मक्याला प्रोत्साहन.भाव जास्त, पण गुणवत्ताहीअमेरिकेच्या तुलनेत देशातील ‘डीडीजीएस’चे भाव सध्या कमी आहेत. भारतात ‘डीडीजीएस’ २२० ते २५० डॉलर प्रतिटनाने विकले जात आहे. तर अमेरिकेतून आयात होणाऱ्या ‘डीडीजीएस’चा भाव ३०० डॉलरपेक्षाही अधिक आहे. पण अमेरिकेच्या ‘डीडीजीएस’ची गुणवत्ता चांगली आहे. त्यामुळे महाग असले तरी त्याचा वापर काही क्षेत्रात होऊ शकतो, असे पशुखाद्य उद्योगाने सांगितले..‘पॅनिक सेलिंग’ टाळण्याचे आवाहनदेशातील बाजारात मागील १० दिवसांमध्ये मक्याची आवक वाढली आहे. देशातील उत्पादन यंदा वाढल्यामुळे भाव आधीच दबावात होते. पण आवक वाढल्यानंतर भाव पुन्हा कमी झाले आहेत. अशा परिस्थितीत शेतकऱ्यांनी ‘पॅनिक सेलिंग’ टाळावे, असे आवाहन अभ्यासकांनी केले आहे. सरकारकडून ‘डीडीजीएस’ किती आयात होणार? कसे होणार? याची अधिकृत माहिती येईपर्यंत सावधपणे विक्री करण्याचे आवाहन अभ्यासकांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
