Milk Market Rates: शेतकऱ्यांकडील दुधाच्या खरेदी दरात केलेली वाढ तसेच वाढलेला प्रक्रिया खर्च यामुळे विक्री दरात प्रति लिटर दोन रुपयांची वाढ करण्याचा निर्णय राज्यातील डेअरी उद्योगाने घेतला आहे..राज्यातील खासगी व सहकारी दूध संघांचे प्रतिनिधित्व करणाऱ्या महाराष्ट्र दूध उत्पादक व प्रक्रिया व्यावसायिक कल्याणकारी संघाची बैठक शुक्रवारी (ता. ७) पुणे जिल्हा सहकारी दूध उत्पादक (कात्रज) संघात झाली. डेअरी प्रकल्पांमधील उत्पादन, वाहतूक व प्रक्रिया खर्च वाढला आहे..Milk Adulteration: दूध, दुग्धजन्य पदार्थांतील भेसळबाजांना दणका.त्यामुळे व्यावसायिक समतोल साधण्यासाठी विक्री दराचा आढावा घ्यावा, असे बैठकीत सुचविण्यात आले. या वेळी दूध विक्री दर दोन रुपयांनी, तर दुग्धजन्य पदार्थांच्या दरात सरासरी १० टक्क्यांपर्यंत वाढ करण्याचा निर्णय झाला. सुधारित दर मंगळवारपासून (ता. ११) राज्यभर लागू केली जाईल, असे संघाचे अध्यक्ष गोपाळराव म्हस्के यांनी स्पष्ट केले..डेअरी उद्योगासाठी दूध संकलन तसेच दूध व प्रक्रिया पदार्थांच्या वितरणासाठी वाहतूक अत्यावश्यक असते. अलीकडेच डिझेलच्या दरात प्रति लिटर दहा रुपयांची वाढ झाली होती. त्यामुळे डेअरी प्रकल्पांचा वाहतूक खर्च वाढला..Milk Price: गाईच्या दूध खरेदी दरात प्रति लिटर २ रुपयांची वाढ.यातून सहकारी व खासगी दूध प्रकल्पांना तोटा सहन करावा लागत होता. दुसऱ्या बाजूला कच्चा माल व पॅकिंगचे दरदेखील वाढले. संघाच्या म्हणण्यानुसार, साखरेचे दर प्रतिकिलो बारा रुपयांनी वाढले, तर पॅकिंग खर्चात ३० टक्क्यांहून अधिक वाढ झाली..दरम्यान, या बैठकीत कात्रज संघाच्या चेअरमनपदी निवड झाल्याबद्दल अरुण सीताराम चांभारे यांचा सत्कार करण्यात आला. तसेच, ॲनालॉग पनीरवर बंदी आणण्यासाठी पाठपुरावा केल्याबद्दल आ. विक्रम पाचपुते यांचे संघाकडून विशेष आभार मानण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
