Kolhapur News: केंद्राने देशातील साखर कारखान्यांना फेब्रुवारीसाठी २२.५ लाख टन कोटा जाहीर केला आहे. त्यात महाराष्ट्राला सर्वाधिक ९ लाख ३५ हजार ८९८ टन कोटा मंजूर झाला आहे. जानेवारीच्या तुलनेत साखर कोट्यात पन्नास हजार टनांची वाढ करण्यात आली आहे..बाजार तज्ज्ञांच्या मते, १७ फेब्रुवारीपासून सुरू होणाऱ्या रमजान महिन्यामुळे साखरेच्या वापरात लक्षणीय वाढ होण्याची शक्यता आहे. त्यामुळे किरकोळ आणि घाऊक बाजारात मागणी मजबूत राहील, तसेच साखरेच्या दरांनाही आधार मिळण्याची शक्यता वर्तविली जात आहे.Sugar Production: ‘नॅचरल शुगर’मध्ये नऊ लाख १११ व्या साखर पोत्याचे पूजन.याच कालावधीत महाराष्ट्रातील अनेक साखर कारखान्यांचा गाळप हंगाम टप्प्याटप्प्याने समाप्त होत असल्याने बाजारात येणारा अतिरिक्त पुरवठा कमी होईल. परिणामी, मागणी आणि पुरवठ्यात संतुलन साधले जाऊन बाजारात तेजी येऊ शकते, असे तज्ज्ञांचे मत आहे. महाराष्ट्राच्या जानेवारी महिन्यातील कोट्यात मागील वर्षीच्या तुलनेत ८ लाख ५६ हजार ५८६ टनांच्या तुलनेत ७९ हजार ३१२ टनांची म्हणजेच ९.२६ टक्क्यांची वाढ झाली आहे..दरम्यान, सर्व कारखान्यांनी साखरेसंदर्भातील माहिती ‘एनएसडब्ल्यूएस पोर्टल’शी (राष्ट्रीय एक खिडकी प्रणाली) १० फेब्रुवारी २०२६ पर्यंत जोडणे बंधनकारक करण्यात आले आहे. जानेवारी २०२६ चा अहवाल या प्रणालीद्वारेच सादर करावा लागणार आहे. नियमानुसार माहिती न सादर करणाऱ्या किंवा प्रणालीशी जोडणी न करणाऱ्या कारखान्यांना पुढील महिन्यापासून विक्री कोटा न देण्याचा इशारा शासनाने दिला आहे..Sugar Production: कोल्हापूर विभागात साखरेचे एक कोटी ८६ लाख क्विंटल उत्पादन.ज्यूटचा वापर अनिवार्यज्यूट पॅकेजिंग मटेरियल (अनिवार्य वापर) कायदा १९८७ नुसार साखरेपैकी किमान २० टक्के साखर ज्यूटच्या पोत्यांमध्येच पॅक करणे अनिवार्य करण्यात आले असून, त्याबाबतची माहितीही ‘एनएसडब्ल्यूएस पोर्टल’वर सादर करावी लागणार आहे..भारताच्या साखर उत्पादनात १८ टक्क्यांची वाढनवी दिल्लीः भारताच्या साखर उत्पादनात मागील वर्षीच्या तुलनेत १८ टक्क्यांनी वाढ झाल्याचे निरीक्षण ‘इस्मा’ने (भारतीय साखर व बायो ऊर्जा उत्पादक संघटना) नोंदविले आहे. या वर्षी जानेवारीअखेर १९५.०३ लाख टन साखर उत्पादित झाली. मागील वर्षीच्या जानेवारीत हेच प्रमाण १६४.७९ लाख टन इतके होते. आजघडीला देशभरात ५१५ साखर कारखाने सुरू आहेत. साखर उत्पादनात सर्वाधिक वाटा महाराष्ट्राचा असून त्या खालोखाल उत्तरप्रदेश आणि कर्नाटकचा क्रमांक लागतो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
