APMC Kolhapur Jaggery Market: गुजरातमध्ये पाठवलेल्या कोल्हापुरी गुळामध्ये रासायनिक रंग आढळल्याच्या घटनेचे पडसाद सोमवारी (ता. ६) येथील बाजारसमितीतील गूळ बाजारात उमटले. या पार्श्वभूमीवर गूळ खरेदी करण्यास व्यापाऱ्यांनी अचानक नकार दिल्याने तीन तास गुळाचे सौदे ठप्प झाले. शेतकरी व व्यापारी यांच्यातील चर्चेनंतर दुपारी बाराच्या सुमारास व्यवहार पुन्हा सुरू झाले..गुजरातमधील मेहसाणा जिल्ह्यात अन्न व औषध प्रशासनाने दोन व्यापाऱ्यांकडील गुळाची तपासणी केली असता त्यात रासायनिक रंग आढळला. हा गूळ कोल्हापुरातून खरेदी केल्याचे निष्पन्न झाल्यानंतर संबंधित व्यापाऱ्यांना नोटीस बजावण्यात आली. ही माहिती मिळताच शाहू मार्केट यार्डातील व्यापाऱ्यांनी सावध भूमिका घेत रंगमुक्त गूळच खरेदी करू, असा निर्णय घेतला..Jaggery Production: ग्रामीण भागामध्ये गुऱ्हाळ जोमात.दरम्यान, गूळ विक्रीसाठी आलेल्या शेतकऱ्यांनी माल परत नेल्यास नुकसान होईल, त्यामुळे खरेदी सुरू ठेवावी, अशी मागणी केली. अखेर व्यापाऱ्यांनी शेतकऱ्यांचे नुकसान टाळण्यासाठी लहान गूळ रव्याचे सौदे सुरू करण्यास सहमती दर्शवली..Jaggery Export: युद्धामुळे गूळ निर्यात थांबली.सध्या बाजारात हंगामाच्या शेवटच्या टप्प्यातील सुमारे पाच हजार गूळ रव्यांची आवक आहे. शुद्ध उसाच्या रसापासून तयार गुळालाच चांगला भाव मिळेल. गूळ निर्मितीत रासायनिक रंगांचा वापर टाळावा, असे आवाहन व्यापाऱ्यांनी केले. काही मोजक्या प्रकरणांमुळे सर्व शेतकऱ्यांना दोष देऊ नये, अशी भूमिका शेतकऱ्यांनी मांडली. यानंतर गूळ सौदै सुरळीत झाले..बाजार समितीचे प्रतिनिधी घटनास्थळी अनुपस्थितसौदे बंद झाल्यानंतर बाजार समितीचे कोणीही प्रतिनिधी गूळ सौदे स्थळी आले नाहीत. अखेर शेतकरी व व्यापारी यांच्यातच चर्चा होऊन तोडगा काढण्यात आला. त्यानंतर गूळ सौदे सुरू झाले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
