Jalgaon News: खानदेशात पपईची आवक नीचांकी स्थितीत आहे. रमजान महिन्यामुळे पपईस उत्तरेकडे उठाव आहे. परिणामी दरात वाढ झाली आहे. सध्या जागेवर पपईला १२ ते १४ रुपये प्रति किलो दर शेतकऱ्यांना मिळत आहे. .दरात मागील काही दिवसांत किंचित किंवा एक किलोमागे एक ते दीड रुपयाची वाढ झाली आहे. दर स्थिर असून, उठाव आहे. दर्जेदार पपईचा खानदेशात तुटवडा आहे. पपईची आवक डिसेंबर व जानेवारीत अधिक असते. .Papaya Farming: खानदेशात आगाप पपई लागवडीत घट.फेब्रुवारीच्या मध्यापासून आवक कमी होते. मार्चमध्ये आवक निम्मी कमी होते. तर एप्रिलमध्ये आवकेत मोठी घट होत असते. कारण स्थानिक किंवा मध्य क्षेत्रातील बाजारांत उष्णतेमुळे पपईस उठाव नसतो. परंतु यंदा रमजान महिना या काळात आल्याने पपई दरात वाढ झाली..Papaya Rate: खानदेशात पपईला १३ ते १६ रुपये दर.पपई दरवाढ जानेवारीत सुरू झाली. डिसेंबरच्या मध्यापर्यंत पपईचे दर जागेवर किंवा थेट खरेदीत सात ते आठ रुपये प्रतिकिलो, असे शेतकऱ्यांना मिळत होते. परंतु जानेवारीत दरात सुधारणा सुरू झाली. .मागील काही दिवसांत पपईला सरासरी १३ रुपये प्रति किलोचा दर जागेवर मिळाला. तर किमान १२ व कमाल १४ रुपये प्रति किलोचा दर मिळाला. पपईची आवकही नीचांकी स्थितीत आहे. पपईची आवक जानेवारीत प्रतिदिन सरासरी १३ ट्रक (एक ट्रक १६ टन क्षमता) एवढी होती. सध्या प्रति दिन सात ते आठ ट्रक पपईची आवक खानदेशात होत आहे..उत्तरेकडूनही मागणीउत्तरेकडील पंजाब, हरियाना, राजस्थान, दिल्ली, काश्मीर आदी भागांत खानदेशातून पपईची पाठवणूक केली जाते. सध्या पंजाब, काश्मीर, दिल्ली येथील मॉल्स तसेच दिल्लीच्या आझादपूर बाजारातील मोठे खरेदीदार पपईची मागणी नोंदवित आहेत. मुंबई, पुणे, नागपूर येथेही काही प्रमाणात पपईची पाठवणूक अधून मधून केली जाते, अशी माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
