Khandesh Papaya Farmers Update: उष्णतेच्या लाटेमुळे घटलेली खानदेशातील पपईची आवक मागील काही दिवसांत काहीशी वाढली आहे. सध्या पपईला जागेवर किंवा शिवार खरेदीत १२ ते १४ रुपये प्रति किलो दर मिळत आहेत. आवक कमी असल्याने दर स्थिर आहेत..खानदेशात ऑक्टोबर ते फेब्रुवारीच्या मध्यापर्यंत पपईची आवक जोमात असते. मागील हंगामात ऑक्टोबर ते नोव्हेंबरअखेरीस प्रति दिन सरासरी ८० ट्रक (एक ट्रक १६ टन क्षमता) एवढी पपईची आवक होती..Papaya Farming: खानदेशात पपई येतेय काढणीवर.या काळात थेट खरेदीत शेतकऱ्यांना प्रति किलो सरासरी सात रुपये दर मिळाला. डिसेंबर ते फेब्रुवारीअखेरीस प्रति दिन सरासरी १२० ट्रक एवढी पपईची आवक होती. या काळात आवक अधिक असल्याने दरात कमी-अधिक चढ-उतार झाले. मात्र, जानेवारीच्या मध्यांतरानंतर आवक कमी झाली. फेब्रुवारीतही आवक कमीच होती. या कालावधीत दर स्थिर राहिले..Papaya Cultivation: खानदेशात पपईकडे शेतकऱ्यांचा कल.यंदा पपईला मार्चमध्येही उठाव होता. परंतु मार्चमध्ये पपईचे पीक हवे तसे उत्पादनक्षम राहिले नाही. फक्त काही वाणांचे पीक उत्पादनक्षम होते. या क्षेत्रातून आवक सुरू होती. मार्चमध्ये प्रति दिन सरासरी ४० ट्रक पपईची आवक खानदेशात झाली. मात्र एप्रिलमध्ये आवक आणखी घटली. मार्चमध्ये सरासरी नऊ रुपये प्रति किलो दर राहिले. एप्रिलमध्ये दर पुन्हा कमी झाले. त्यात नंतर सुधारणा झाली नाही..जून ते जुलैच्या दुसऱ्या पंधरवड्यापर्यंत अल्प आवक किंवा प्रति दिन तीन-चार ट्रक (एक ट्रक १२ टन क्षमता) एवढी होती. परंतु मागील पाच ते सात दिवसांत किंवा या आठवड्यात पपईची आवक प्रतिदिन पाच ट्रक एवढी झाली आहे. आवकेत काहीशी वाढ झाली आहे. सध्या आगाप लागवडीच्या बागा व दीर्घ काळ उत्पादन देणाऱ्या पपईच्या बागांमधून आवक सुरू असून, पाठवणूक दिल्ली, पंजाब येथे केली जात आहे. दरही स्थिर आहे. जूनच्या मध्यांतरानंतर जुलै व ऑगस्ट या महिन्यांत पपईला थेट जागेवर किमान १२ रुपये प्रति किलोचा दर मिळाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
