Jalgaon News: खानदेशात दर्जेदार, निर्यातक्षम व मध्यम दर्जाच्या केळीला शिवार किंवा थेट खरेदीत अपेक्षित दर मिळत नसल्याची स्थिती आहे. केळीची वाढलेली आवक व हंगामी फळांची रेलचेल याचा परिणाम केळी दरांवर पुन्हा एकदा झाला असून, केळीचे कमाल दर सध्या १५०० रुपये प्रति क्विंटलपर्यंत खाली आले आहेत. .केळीदर जुलैच्या मध्यापर्यंत बऱ्यापैकी होते. कमाल दरपातळी २१०० रुपये प्रति क्विंटल, अशी होती. परंतु मागील काही दिवसांत केळी दरात सतत घसरण झाली आहे. किमान दर ६००, ७०० ते १२०० रुपये प्रति क्विंटल,असे आहेत. मध्य प्रदेशातील बऱ्हाणपुरात केळीची आवक ३०० ट्रकपर्यंत (एक ट्रक दोन ते १६ टन क्षमता) एवढी झाली आहे. खानदेशातही केळी आवक वाढली आहे. दुसरीकडे केळीची आखातातील पाठवणूक रखडत सुरू आहे. बाजारात फारशी पोकळी तयार होत नसल्याने केळी दरांवर सतत दबाव वाढला आहे..Banana Market: केळीच्या आवकेत किंचित वाढ.मागील वर्षी गणेशोत्सव ते नवरात्रोत्सवाच्या कालावधीत केळीचे दर टिकून होते. गणेशोत्सवात कमाल ३२०० रुपये प्रति क्विंटलपर्यंतचा दर मिळाला होता. पण यंदा जसजसा गणेशोत्सव निकट आला, तसतसे दर कमी झाले. यामुळे केळी उत्पादन चिंतेत आहेत. कारण केळीचा खर्चही निघणे या दरात शक्य नाही. केळीला एकरी किमान ७० ते ८० हजार व कमाल एक लाख ३० हजार रुपये खर्च लागतो..Banana Rate: केळीला कमाल २१०० रुपये दर.दर्जेदार केळी सध्या जळगाव जिल्ह्यातील चोपडा, जामनेर, जळगाव, पाचोरा, भडगाव, चाळीसगाव, यावल भागात आहे. रावेर, मुक्ताईनगर भागांतही केळीची आवक चांगली आहे. नंदुरबारातील शहादा, तळोदासह धुळ्यातील शिरपुरातही केळीची आवक आहे. खानदेशात सध्या रोज मिळून २५० ट्रक (एक ट्रक १६ टन क्षमता) केळीची आवक आहे. केळी दरात मागील सात ते आठ दिवसांत सतत घट झाली आहे..देशभरातील बाजारात सध्या डाळिंब, सफरचंद आणि चिकूची चांगली आवक आहे. या फळांचे दर केळीपेक्षा किंचित अधिक आहेत. उत्तरेकडे केळी व सफरचंदाचे दर एकसारखेच आहेत. यामुळे ग्राहक केळीऐवजी सफरचंदाचा पर्याय निवडतात. याचाही परिणाम केळी दरांवर झाल्याची माहिती मिळाली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
