Kolhapur News : देशांतर्गत बाजारात साखरेचे दर वाढत असल्यामुळे यंदा सरकारने दिलेल्या दहा लाख टन साखर निर्यातीचे उद्दिष्ट पूर्ण होण्याची शक्यता कमी आहे. जानेवारी महिन्यात केंद्र सरकारने निर्यातीला परवानगी दिल्यानंतर सुरुवातीच्या दोन महिन्यांत वेगाने निर्यात झाली, मात्र त्यानंतर झालेली घट अद्याप कायम आहे. जुलै महिन्याच्या मध्यापर्यंत सुमारे साडेसहा ते सात लाख टन साखरेची निर्यात झाली आहे..आंतरराष्ट्रीय बाजारात कमी झालेले दर आणि देशांतर्गत बाजारात सण-उत्सवामुळे वाढलेली मागणी, यामुळे अनेक कारखान्यांनी गेल्या दोन महिन्यांपासून निर्यातीला प्राधान्य देणे थांबवले आहे. सध्या आंतरराष्ट्रीय बाजारातील साखरेचे दर देशांतर्गत दरांच्या जवळपास पोहोचले आहेत. यात लोडिंग, पॅकिंग, वाहतूक आणि पोर्ट हँडलिंग यांसारखे अतिरिक्त खर्च विचारात घेतल्यास निर्यात करणे फायदेशीर राहिलेले नाही, असे कारखान्यांच्या सूत्रांनी सांगितले..Sugar Industry: साखर निर्यात, इथेनॉलबाबत केंद्राने धोरण स्पष्ट करावे.२० जानेवारी रोजी निर्यातीला परवानगी मिळाल्यानंतर, विशेषतः महाराष्ट्र आणि कर्नाटकातील कारखान्यांनी जागतिक बाजारपेठेतील संधीचा फायदा घेतला. फेब्रुवारीमध्ये आंतरराष्ट्रीय दर ५५५ डॉलर प्रति टनापर्यंत पोहोचल्याने निर्यातदारांना चांगला फायदा झाला. सोमालिया, अफगाणिस्तान, श्रीलंका, यूएई, लिबिया आणि टांझानिया यांसारख्या देशांमध्ये भारताच्या साखरेची निर्यात झाली. .साखर संघटनांनी निर्यातीऐवजी साखरेच्या किमान आधारभूत किमती (एमएसपी) वाढविण्याची मागणी केली होती. सरकारने देशांतर्गत दर वाढत असल्याचे सांगत त्याकडे दुर्लक्ष केले. अतिरिक्त साखरेचा साठा कमी करण्यासाठी १० लाख टनाच्या निर्यातीला परवानगी दिल्यावरही कारखानदार हे उद्दिष्ट गाठू शकले नाहीत. गेल्या दोन महिन्यांत साखर निर्यात जवळपास थांबली आहे. त्यामुळे सप्टेंबर अखेरपर्यंत हे उद्दिष्ट पूर्ण करणे जवळजवळ अशक्य आहे..Sugar Price: साखरेच्या दरात वाढ.एका महिन्यात निर्यातवाढ अशक्यसप्टेंबरपर्यंत १० लाख टन साखर निर्यात करण्याचे उद्दिष्ट केंद्राने ठेवले आहे, मात्र आता एक महिन्यात ते पूर्ण होणे कठीण दिसत आहे. गेल्या पंधरा दिवसांपासून साखरेचे दर क्विंटलमागे ४ हजार रुपयांपर्यंत पोहोचले आहेत. .श्रावण, गणेशोत्सव आणि दिवाळी यांसारख्या सणांमुळे पुढील हंगाम सुरू होईपर्यंत साखरेचे दर चढेच राहण्याची शक्यता आहे. स्थानिक बाजारात चांगली संधी उपलब्ध असल्याने कारखानदार निर्यातीला प्राधान्य देण्याची शक्यता कमी आहे, असे साखर उद्योगातील सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
