Nashik News: केंद्र सरकारच्या वाणिज्य, ग्राहक व्यवहार व अर्थमंत्रालयाने कांदा निर्यातीमध्ये हस्तक्षेप करून अटी-शर्ती लावल्याने निर्यातीला फटका बसला आहे. परिणामी गेल्या तीन वर्षांत भारतीय कांद्याची निर्यात ५० टक्क्यांवर आली आहे. एकीकडे कांदा उपलब्ध असताना परकीय चलन पडत नाही, तर दुसरीकडे कांदा उत्पादक शेतकऱ्यांना आर्थिक नुकसान सोसावे लागत आहे. .गेल्या सहा वर्षांत केंद्र सरकारने ग्राहकहिताला प्राधान्य देत निर्यातबंदीसह किमान निर्यात मूल्य, निर्यात शुल्क यांसारखे निकष घालून दिल्याने गेल्या तीन वर्षांत कामकाज अडचणीत आले आहे. यामुळे भारत हा बेभरवशाचा कांदा उत्पादक देश झाला आहे. स्थिर पुरवठ्यासाठी बांगलादेशसह इतर प्रमुख आयातदार देशांनी पाकिस्तान, चीन, इजिप्त अशा इतर कांदा उत्पादक देशांना आयातीसाठी प्राधान्य दिले. त्यामुळे निर्यातीचा टक्का कमी होत गेला तर उत्पादक, व्यापार व निर्यातदार घटक अडचणीत सापडला आहे. सध्या केंद्राने काही अटी-शर्ती मागे घेतल्या असल्या तरी अप्रत्यक्षरीत्या निर्यातीत अडचणी येतील अशीच भूमिका सरकारची दिसून आली..Onion Export : कांदा निर्यात शुल्क, वाहतूक अनुदानवाढीबाबत केंद्र सरकार सकारात्मक : खासदार वाजे.केंद्र सरकार मात्र याबाबत अजूनही गंभीर नसल्याचे चित्र आहे. त्याचा फायदा पाकिस्तान, चीनसारखे स्पर्धक देश घेत असून त्यांची निर्यात वाढत आहे. यांसह बांगलादेश, श्रीलंकेसारख्या प्रमुख आयातदार देशांनी कांद्याचे परावलंबित्व कमी करण्यासाठी लागवडी वाढवून स्थानिक कांद्याला प्राधान्य देण्यास सुरुवात केली आहे. भारत हा अस्थिर धोरणांमुळे जागतिक बाजारपेठ गमावत असून आता ही टक्केवारी ५० टक्क्यांनी कमी झाल्याचे नकारात्मक चित्र आहे..निम्म्यावर निर्यात२०२२-२३ मध्ये २५ लाख २५ हजार टन उच्चांकी निर्यात राहिली. संपूर्ण देशभरात एकूण कांद्याच्या उत्पादनापैकी एक तृतीयांश निर्यात ही बांगलादेशामध्ये होती. येथे कांद्याचे दर वधारले असताना व मागणी असताना देखील बांगलादेशसारख्या प्रमुख आयातदार देशात रस्ते वाहतूक मार्गाने निर्यात जवळपास ठप्प आहे. तर समुद्री मार्गाने मुंबई व चेन्नई येथून श्रीलंका, दुबई, सिंगापूर, मलेशिया, व्हिएतनाम या देशात निर्यात होत आहे. मात्र ती निम्म्यावरच असल्याचे चित्र आहे..Onion Export : नेपाळमधील हिंसाचारामुळे कांदा सीमेवर अडकला, दरात घसरण.गेल्या तीन वर्षांतील कांदा निर्यात स्थितीआर्थिक वर्ष निर्यात(टन२०२३–२४ १७,१७,४५९२०२४–२५ ११,४७,६९०२०२४–२६ ८,२३,३६७(ऑक्टोबर २०२५ अखेर).भारतीय कांद्याची कांदा निर्यात स्थिती (२०२५-२६)एप्रिल १,३५,४३०मे १,२८,८९४जून ९८,३६०जुलै १,०६,७१६ऑगस्ट १,३१,७८२सप्टेंबर १,२३,७१७ऑक्टोबर ९८,४७२.India Onion Export: बांगलादेशात पाच महिन्यांनंतर भारतीय कांद्याची निर्यात.भाजीपाला निर्यातीवर करशुल्क परतावा ४ टक्के आहे. त्याचप्रमाणे कांदा निर्यातीवर तो लागू करावा. सध्या कांदा निर्यातीवर १.९९ टक्के इतकाच परतावा मिळत आहे. सरकार यावर काम करत आहे, मात्र दिरंगाई होत आहे. त्यावर लवकर उपाययोजना करण्याची गरज आहे.– विकास सिंग, उपाध्यक्ष, हॉर्टिकल्चर प्रोड्यूस एक्स्पोर्ट असोसिएशन.भारतीय बाजारपेठेत ग्राहकांच्या गरजेनुसार कांद्याची उपलब्धता या वर्षी देशात अधिक होती. त्यामुळे निर्यात वाढीसाठी अनुकूल धोरण अवलंबिण्याची आवश्यकता होती; मात्र तसे दिसत नाही. केंद्रीय पातळीवर समिती स्थापन होऊन एक दिशा तयार करण्याची गरज आहे.- मनोज जैन, कांदा व्यापारी व निर्यातदार, लासलगाव.जगातील प्रमुख कांदा उत्पादक देश असूनसुद्धा सातत्यपूर्ण आणि विश्वासार्ह पुरवठादार म्हणून प्रतिमा टिकवू शकलो नाही ही मोठी दुर्दैवाची गोष्ट आहे. शेतकऱ्यांचे उत्पन्न दुप्पट करू असे पंतप्रधान नरेंद्र मोदी म्हणाले होते त्याचे काय झाले? सरकारने भारतीय कांदा उत्पादक शेतकऱ्यांचे वाटोळे केले आहे.–भारत दिघोळे, अध्यक्ष, महाराष्ट्र राज्य कांदा उत्पादक शेतकरी संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
